З 3 мая па 29 чэрвеня ў зале перыядычных выданняў (пам. 106) праходзіць тэматычная выстава “Чалавек захоплены: хобі на любы густ”.
У манатонным рытме жыцця мы стамляемся ад руціннай працы, таму многія людзі спрабуюць разнастаіць штодзённасць захапленнямі, якімі-небудзь хобі. Любімы занятак дапамагае нам абстрагавацца ад рэальнасці і праблем, атрымаць асалоду ад змены дзейнасці і задавальненне ў час адпачынку.
Хобі падымае настрой, робіць жыццё яркім і цікавым. Захапленні чалавека – гэта ўнутраны інтарэс, унутранае жаданне займацца тым ці іншым відам дзейнасці. Гэта радасць самой дзейнасці, нават калі яна не прыносіць перамог, грошай, славы і да т.п.
На выставе прадстаўлена каля 30 перыядычных выданняў, якія ахопліваюць шырокі спектр захапленняў.
Для аматараў рукадзелля, вязання, іншых відаў дэкаратыўна-прыкладнога мастацтва экспазіцыя прапануе выданні “Кудесница”, “Домашний”, “Мастерица”, “Ксюша”.
Актуальнымі для крэатыўных дачнікаў будуць публікацыі з часопісаў “Я на пенсии”, “Цветок”, “Делаем сами”.
Для мужчын, захопленых рыбалкай, паляваннем, радыёэлектронікай, аўтасправай адкрываюць свае сакрэты перыядычныя выданні “Рыболовный журнал”, “Радиолюбитель”, “Моделист-конструктор”, “За рулём” і інш.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 25 87.
Матэрыял пададзены аддзелам абслугоўвання спецыялізаванымі фондамі.
