2 красавіка ў бібліятэцы прайшоў семінар “Інфармацыйныя рэсурсы выдавецтва Springer Nature для навуковых даследаванняў і адукацыі ВНУ”.
Госці семінара пазнаёміліся з новымі інфармацыйнымі прадуктамі кампаніі Springer Nature – аднаго з вядучых міжнародных навуковых выдавецтваў, якое спецыялізуецца на выпуску навуковых манаграфій, рэцэнзуемых часопісаў, энцыклапедый па ўсіх галінах ведаў. Акрамя гэтага, для беларускіх навукоўцаў былі дадзены практычныя рэкамендацыі па падрыхтоўцы і размяшчэнні публікацый у рэйтынгавых часопісах выдавецтва Springer Nature.
У семінары ўзялі ўдзел навуковыя супрацоўнікі інстытутаў Нацыянальнай акадэміі навук Беларусі, рэспубліканскіх навукова-практычных цэнтраў, прафесары, выкладчыкі і маладыя вучоныя ўстаноў вышэйшай адукацыі, прадстаўнікі бібліятэк і інфармацыйных цэнтраў рэспублікі.
Для партнёраў Нацыянальнай бібліятэкі Беларусі па віртуальнай чытальнай зале магчыма адкрыццё тэставага доступу да электронных рэсурсаў выдавецтва Springer Nature.
Тэлефон для даведак: (8 017) 293 28 39.
Форма для выдання манаграфій у выдавецтве Springer Nature
Форма для выдання прац канферэнцый у выдавецтве Springer Nature
Матэрыял прадастаўлены аддзелам карпаратыўнага ўзаемадзеяння.