З 25 чэрвеня 2008 года ў Нацыянальнай бібліятэцы Беларусі адкрыта тэматычная кніжная выстаўка “Будучыню Радзімы будаваць маладым!”, прысвечаная Дню моладзі (29 чэрвеня).
Падрастаючае пакаленне – важнейшы аб’ект нацыянальна-дзяржаўных інтарэсаў, адзін з галоўных фактараў забеспячэння сацыяльна-эканамічнага і культурнага развіцця краіны. Фарміраванне жыццяздольнага маладога пакалення – адна з галоўных задач беларускай дзяржавы. Вырашаецца яна пры дапамозе зацверджаных Прэзідэнтам Рэспублікі Беларусь мэтавых праграм «Дзеці Беларусі», «Маладыя таленты Беларусі» і «Моладзь Беларусі», якія ўяўляюць сабой цэласныя праекты і змяшчаюць канкрэтныя эканамічныя механізмы іх рэалізацыі. Яны прадугледжваюць стварэнне ўмоў для больш актыўнага ўключэння моладзі ў сацыяльна-эканамічнае, палітычнае і культурнае жыццё грамадства, развіццё пазітыўных дзіцячых і маладзёжных ініцыятыў.
Як з дапамогаю гэтых праграмных дакументаў і нарматыўна-прававой базы ў Рэспубліцы Беларусь рэалізуецца дзяржаўная маладзёжная палітыка, і пазнаёміць наведвальнікаў і чытачоў Нацыянальнай бібліятэкі Беларусі прапанаваная тэматычная кніжная выстаўка. У экспазіцыі прадстаўлена звыш за 150 дакументаў:
• Указы Прэзідэнта Рэспублікі Беларусь, выбраныя матэрыялы выступленняў А.Р. Лукашэнкі;
• тэксты рэспубліканскіх праграм, зборнікі нарматыўна-прававых актаў і каментарыі да іх;
• дапаможнікі па пытаннях грамадзянскага і патрыятычнага выхавання падлеткаў і студэнцкай моладзі;
• кнігі і артыкулы пра дзейнасць маладзёжных і дзіцячых грамадскіх арганізацый і аб’яднанняў;
• зборнікі навуковых работ і матэрыялы навукова-практычных канферэнцый маладых вучоных Беларусі;
• дапаможнікі па фарміраванню здаровага ладу жыцця;
• матэрыялы аб дзейнасці спецыяльнага фонду Прэзідэнта Рэспублікі Беларусь па падтрымцы таленавітай моладзі;
• дасягненні юных талентаў Беларусі.
Выстаўка размешчана на 2-м паверсе кальцавога калідора.
Кантактны тэлефон: 293-28-86.