ГалоўнаяНавіныКніжныя выстаўкі
Салодкая гаркота ўспамінаў: апавяданне “Горкі ліпавы мёд” Алены Васілевіч
"Жонка Купалы ратавала бацьку некалькi разоў…": пра Сяргея Грахоўскага распавядаюць яго дачка Таццяна і ўнучка Марыя

Брытанская канстытуцыя як прававы феномен

Брытанская канстытуцыя як прававы феномен
Іншыя навіны

З 3 жніўня па 11 кастрычніка ў зале прававой інфармацыі (пам. 207b) адкрыта тэматычная выстаўка “Брытанская канстытуцыя як прававы феномен”, прысвечаная 805-годдзю падпісання Вялікай хартыі вольнасцей.

Вялікабрытанія адрозніваецца ад іншых дзяржаў тым, што яна не мае адзінага дакумента, які носіць назву “канстытуцыя”. Адсутнасць такога дакумента ўздзейнічае на дзяржаўны лад і правапарадак у краіне. Асаблівае значэнне ў Вялікабрытаніі набылі канстытуцыйныя звычаі, якія замацавалі практычна ўсе элементы, што звычайна ўключаюцца ў тэксты канстытуцый. Менавіта канстытуцыйныя звычаі дазволілі захаваць у Вялікабрытаніі асноўныя дэмакратычныя ідэі прававых актаў, прынятых некалькі стагоддзяў таму ў іншых гістарычных умовах.

Сярод гістарычных дакументаў, ідэі якіх не згублены і цяпер, вылучаецца Вялікая хартыя вольнасцей 1215 г. – адзін з першых канстытуцыйных актаў у гісторыі сучаснай Еўропы. Хартыю лічаць зыходным пунктам развіцця сучасных канцэпцый праў і свабод чалавека, справядлівага і хуткага правасуддзя, панавання права адносна прыватных і службовых асоб, забароны адвольнага падаткаабкладання. Яна служыць адной з асноў адукацыі парламента. І сёння англійскі юрыст можа спаслацца на Вялікую хартыю, каб абгрунтаваць прынцып панавання права роўнасці перад судом.

Bryt-Kanstytucyja-4.jpg

Дакумент складзены на латыні, уключае прэамбулу і 63 артыкулы. Падпісаная каралём Іаанам у XIII ст. першая Вялікая хартыя вольнасцей не захавалася. Да нашых дзён дайшлі чатыры копіі Хартыі 1215 года. Усе яны захоўваюцца ў Вялікабрытаніі: дзве ў Брытанскай бібліятэцы, дзве ў саборах – Лінкальна і Солсберы.

Выстаўка будзе цікавая гісторыкам і юрыстам, выкладчыкам, аспірантам і студэнтам ВНУ, а таксама спецыялістам у галіне параўнальнага правазнаўства і ўсім чытачам, якія цікавяцца прававым вопытам і прававой культурай замежных краін.

Экспазіцыя налічвае каля 80 дакументаў: кнігі, аўтарэфераты дысертацый, перыядычныя выданні на рускай і англійскай мовах.

Выстаўка ўключае наступныя тэматычныя раздзелы:

  • Вялікая хартыя вольнасцей – асноватворны канстытуцыйны акт Англіі
  • Эвалюцыя брытанскай канстытуцыі
  • Парламент Вялікабрытаніі: гісторыя і сучаснасць
  • Заканадаўчы працэс Вялікабрытаніі
  • Англійская судовая сістэма
  • Англійскі грамадзянскі працэс
  • Крымінальнае права і крымінальны суд Вялікабрытаніі

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Спіс літаратуры па тэме

Тэлефон для даведак: (8 017) 293 27 28.

Матэрыял прадастаўлены аддзелам абслугоўвання афіцыйнымі дакументамі.

Навіны

25 Вер 2020

На гэтым тыдні споўнілася сто гадоў з дня заснавання дома-музея Адама Міцкевіча ў Навагрудку. Аб тым, чаму гэтая сядзіба можа прэтэндаваць на званне найстарэйшай культурнай установы ў Беларусі, і чым сёння жыве колішняя калыска класіка, распавядае “Культура”.

Навіны бібліятэк

Беларускія кнігі перададзены ў Эстонію

24 Вер 2020

У рамках дабрачыннай акцыі “Пра Беларусь – беларусам замежжа” пры дапамозе Пасольства Рэспублікі Беларусь у Рэспубліцы Эстонія нацыянальна-культурным аб’яднанням гэтай краіны перададзена ў дар больш за 150 асобнікаў беларускіх выданняў.

Навіны Нацыянальнай бібліятэкі Беларусі

Размова з адвакатам аб ільготах і дапамозе маладым і шматдзетным сем’ям

23 Вер 2020

20 верасня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Маладыя і шматдзетныя сем’і: ільготы і дапамога”.

Навіны Нацыянальнай бібліятэкі Беларусі

24 верасня – 205 гадоў з дня нараджэння Габрыелі Пузыны, пісьменніцы, мемуарысткі, аўтара зборнікаў вершаў, апавяданняў, драм, камедый, успамінаў

24 Вер 2020

Постаць Альбіны Габрыелі Пузыны (1815–1869), адметная яркай творчай індывідуальнасцю, своеасаблівым мастацкім бачаннем свету, вылучаецца на фоне літаратурнага працэсу сярэдзіны XIX ст., робіць яго больш багатым, цікавым і разнастайным.

Па старонках беларускага календара

Новае краязнаўчае электроннае выданне бібліятэкі

22 Вер 2020

Выйшаў у свет чарговы кампакт-дыск з шэрагу электронных выданняў Нацыянальнай бібліятэкі Беларусі, якія знаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі.

Навіны Нацыянальнай бібліятэкі Беларусі

24 Вер 2020

У многіх аўтараў час ад часу запытваюцца пра тое, якім быў іх першы верш, як яны яго пісалі і чаму ўвогуле вырашылі напісаць. Можна лічыць, што момант, калі паэзія ўваходзіць у жыццё чалавека, становіцца вызначальным для далейшага шляху, у пэўным сэнсе прадказвае творчы лёс. Але, здаецца, далёка не для ўсіх момант напісання першага верша варта лічыць нечым значным.

Навіны бібліятэк

111