З 30 сакавіка па 15 красавіка ў Нацыянальнай бібліятэцы Беларусі праходзіць кніжная выстаўка “Беларусь і Расія: гістарычная і духоўная еднасць”, прымеркаваная да Дня яднання народаў Беларусі і Расіі.
2 красавіка бягучага года споўніцца 13 гадоў з дня падпісання Рэспублікай Беларусь і Расійскай Федэрацыяй Дагавора аб стварэнні Супольнасці Беларусі і Расіі. Рашэннем Вышэйшага Савета Супольнасці Беларусі і Расіі ад 2 красавіка 1996 г. № 2, указамі Прэзідэнта Расійскай Федэрацыі і Прэзідэнта Рэспублікі Беларусь гэты дзень быў абвешчаны Днём яднання народаў Беларусі і Расіі. У далейшым умацаванні беларуска-расійскага супрацоўніцтва вялікую ролю адыграла падпісанне Дагавора аб Саюзе Беларусі і Расіі (2 красавіка 1997 г.) і Дагавора аб стварэнні Саюзнай дзяржавы (8 снежня 1999 г.).
Штогод святкаванне Дня яднання спрыяе ўмацаванню ўзаемаразумення і пашырэнню сяброўскіх сувязяў паміж народамі Беларусі і Расіі, далейшаму фарміраванню агульнай сацыяльна-эканамічнай прасторы, шырокаму і аб’ектыўнаму інфармацыйнаму асвятленню інтэграцыйных працэсаў у рамках Саюзнай дзяржавы.
Нацыянальная бібліятэка Беларусі падрыхтавала да гэтага дзяржаўнага свята тэматычную кніжную выстаўку, якая змяшчае інфармацыю пра гісторыю ўзнікнення і структуру Саюзнай дзяржавы, пра асаблівасці яе эканамічнага і сацыяльнага развіцця. У экспазіцыі прадстаўлены навуковыя працы, аналітычныя артыкулы, матэрыялы навуковых канферэнцый і семінараў. На аснове аналізу эканамічных, палітычных і культурных сувязяў двух народаў раскрываецца стан і развіццё Саюзнай дзяржавы, разглядаецца палітыка-фінансавая інтэграцыя краін. На аснове навуковага даследавання нарматыўных і прававых актаў Саюзнай дзяржавы каменціруюцца прававыя аспекты развіцця інтэграцыйных працэсаў паміж Рэспублікай Беларусь і Расійскай Федэрацыяй.
Асобны раздзел экспазіцыі прысвечаны культурнаму ўзаемадзеянню дзвюх краін. Выданні знаёмяць з асаблівасцямі менталітэту і нацыянальнымі традыцыямі двух славянскіх народаў, апавядаюць пра шматпланавае і творчае супрацоўніцтва паміж нашымі краінамі, расказваюць пра лаўрэатаў прэміі Саюзнай дзяржавы ў галіне літаратуры і мастацтва, пра лёсы многіх славутых людзей Беларусі і Расіі, якія сталі нацыянальным здабыткам.
Кантактны тэлефон: 293-28-86.
Карысныя спасылкі:
- Інтэрнэт-газета "Время Союза"
- Інфармацыйна-аналітычны партал Союзнай дзяржавы
- Інфармацыйнае агенцтва Саюзнай дзяржавы «Союз-инфо»
- Парламенцкі сход Саюза Беларусі і Расіі
- «Российская газета»
- Газета «Советская Белоруссия», інтэрнэт-партал «СБ: Беларусь сегодня»