З 2 па 31 снежня ў зале беларускай літаратуры (пам. 205) праходзіць выстаўка “Атмасфера прыгажосці”, дзе экспануюцца каталогі адзення прадпрыемстваў лёгкай прамысловасці Беларусі.
Вырабы, прадстаўленыя ў каталогах айчынных прадпрыемстваў, складаюць асартымент новай выпускаемай прадукцыі, якую аб’ядноўвае высокая якасць, зручнасць, камфорт, разнастайнасць модных фасонаў і колеравага выканання.
Стыльнае беларускае адзенне рэгулярна экспартуецца не толькі ў краіны СНД, але і ў Вялікабрытанію, Данію, Польшчу, ЗША, Нідэрланды, Чэхію і інш.
На паліцах размешчаны рэкламныя каталогі беларускіх прадпрыемстваў ААТ “Элема”, ААТ “Камінтэрн”, ААТ “Купалінка”, ААТ “Жлобінская швейная фабрыка”, ТАА “ИнгузСтиль”, ТАА “Блауз”, ЗАТ “КіС” і інш.
У рэкламных выданнях на экспазіцыі прадстаўлены сучасныя вырабы жаночага, мужчынскага і дзіцячага адзення. Напрыклад, у каталогах прадпрыемства ААТ “Элема” размешчаны мадэлі цёплых элегантных зімовых і дэмісезонных паліто, паўпаліто, куртак. Разнастайны выбар мужчынскіх гарнітураў катэгорыі “бізнес-клас”, “дзелавы клас”, а таксама маладзёжнага напрамку – у каталогах ААТ “Камінтэрн”.
Новыя бялізнавыя трыкатажныя калекцыі для жанчын і дзяцей прадстаўлены ў друкаваных выданнях ААТ “Купалінка”. Мадэлі класічных блузак, тунік, спадніц і штаноў – у рэкламных выданнях ТАА “Блауз”.
Прыцягнуць увагу чытачоў каталогі адзення ААТ “Жлобінская швейная фабрыка” для дзяцей ясельнага, дашкольнага і малодшага школьнага ўзростаў. У друкаваных выданнях прадпрыемства ТАА “ИнгузСтиль” размешчаны модныя мадэлі жаночых сукенак.
Усяго на выстаўцы прадстаўлена звыш 20 рэкламных і інфармацыйных выданняў.
Кантактны тэлефон: (8 017) 293 27 16.
 |
 |
 |
