З 24 мая па 12 чэрвеня ў зале перыядычных выданняў (пам. 106) праходзіць тэматычная выстаўка “Адкрый свет без тытуню”.
Курэнне – адна з найбольш цяжкіх праблем нашага часу, прычына мноства хвароб і заўчаснай смерці чалавека ў сучасным свеце. Яно настолькі трывала ўвайшло ў паўсядзённае жыццё, што ўспрымаецца ўжо як зусім шараговая падзея, якая не прываблівае ўвагі. Гэтая шкодная звычка імкліва распаўсюджваецца сярод усіх сацыяльных груп розных узростаў.
Падрабязна пра праблемы, звязаныя з курэннем, раскажуць перыядычныя выданні “Здравоохранение”, “Здоровье и окружающая среда”. У сацыяльным аспекце праблема курэння разглядаецца ў часопісах “Вопросы психологии”, “Охрана труда”, “Отдел кадров”, у газеце “Медицинский вестник” і інш.
Шматлікія міжнародныя медыцынскія даследаванні выявілі сур’ёзную шкоду курэння для моладзі. Прафілактыка нікацінавай залежнасці падлеткаў – актуальная тэма ва ўсім свеце, якую, у тым ліку, асвятляюць артыкулы з часопісаў “Народная асвета”, “Выхаванне і дадатковая адукацыя”.
Усяго на выстаўцы прадстаўлена каля 20 перыядычных выданняў.
Кантактны тэлефон: (8 017) 293 25 87.