З 4 лютага па 5 сакавіка 2008 года ў аддзеле абслугоўвання афіцыйнымі дакументамі Нацыянальнай бібліятэкі Беларусі (2 паверх, пакой 207) адкрыта тэматычная кніжная выстаўка "Ад шматмоўя - да сусветнай моўнай спадчыны", прысвечаная Міжнароднаму году моў, які быў абвешчаны Генеральнай Асамблеяй ААН на 61 сесіі (рэзалюцыя 61/266).
Актуальнасць правядзення такой выстаўкі абумоўлена той ключавой роляй, якую адыгрываюць мовы ў жыцці іразвіцці чалавецтва. Мова сёння не проста сродак зносін,дзякуючы ёй працягваюць жыць традыцыі, яна абуджае цікавасць да пазнання свету, спрыяе праяве павагі дамінулага.
Разам з тым, працэс глабалізацыі пастаянна пагражаеіснаванню моў, а часам прыводзіць да поўнага іх знікнення. Са знікненнем нават адной мовы беззваротна губляецца багацце фарбаў яркай палітры культурнай разнастайнасці. А з ім таксама губляюцца магчымасці, традыцыі, спадчына, унікальнасць вобраза мыслення і выражэння - неацэнныя рэсурсы, якія спрыяюць паляпшэнню якасці жыцця будучых пакаленняў.
Мовы ў наш час імкліва выміраюць, і, каб выжыць, патрабуюцьпадтрымкі і зацікаўленасці.
У пачатку ХХІ стагоддзя ў свеце налічвалася ад 7000 да 8000 самастойных моў. Сёння большасць з 6000 вядомых у міры моў знаходзіцца ва ўжытку вельмі невялікай колькасці людзей. На палове сучасных моў размаўляюць меней за 10 000 чалавек, а кожная чацвёртая мова мае менш за 1000 носьбітаў. Усведамляючы ўсю важнасць гэтай праблемы, ЮНЕСКА апублікавала ў 2001 годзеАтлас моў свету, якія знаходзяцца пад пагрозай знікнення.
Прадстаўленыя на выстаўцы матэрыялы пазнаёмяць з тымі намаганнямі, якія прадпрымаюцьурады, установы сістэмы Арганізацыі Аб’яднаных Нацый, грамадскія арганізацыі, навучальныя ўстановы, прафесійныя асацыяцыі для захавання,павагі, падтрымкі і абароны ўсіх моў, асабліва моў, якія знаходзяцца пад пагрозай знікнення. У асобны раздзел вылучаны дакументы, у якіх адлюстравана палітыка шматмоўя ў Рэспубліцы Беларусь, разглядаюцца ініцыятывы нашай дзяржавы па ажыццяўленні мер заахвочвання моўнай і культурнай разнастайнасці.
На выстаўцы экспануецца больш за 100 дакументаў на рускай, беларускай, англійскай, французскай і нямецкай мовах. Вялікую частку экспазіцыі складаюць дакументы міжнародных арганізацый: кнігі, брашуры, мімеаграфаваныя матэрыялы ААН, перыядычныя выданні, буклеты.
Выстаўка адрасавана лінгвістам, філолагам, супрацоўнікам устаноў культуры і мастацтва, гісторыкам, а таксама шырокаму колу чытачоў, якія цікавяцца моўнай і культурнай разнастайнасцю.
Спасылкі на інтэрнэт-рэсурсы:
Дакументы
- Рэзалюцыя ГА аб заснаванні Года [A/RES/61/266]
- Рэкамендацыя аб развіцці і выкарыстанні шматмоўя і ўсеагульным доступе да кіберпрасторы
- Усе агульная дэкларацыя ЮНЕСК А аб культурнай разнастайнасці
- Канвенцыя аб ахове нематэрыяльнай культурнай спадчыны<
- Канвенцыя аб абароне і заахвочванні формаў культурнага самавыяўлення
ААН і шматмоўе
- Рэзалюцыі Генеральнай Асамблеіпа шматмоўі
- Даклады і запіскі Генеральнага сакратара аб шматмоўі
- Даклады Генеральнага сакратара аб дасягненні парытэту паміж афіцыйнымі мовамі ААН
- Даклады Кансультацыйнага камітэта па адміністрацыйных і бюджэтных пытаннях аб паляпшэнні вэб-сайта ААН на ўсіх афіцыйных мовах
- Атлас моў свету, якія знаходзяцца пад погрозай знікнення*
- Чырвоная кніга знікаючых моў*
- Міжнародны дзень роднай мовы
- Дзейнасць ААН у галіне адукацыі
- Дзесяцігоддзе пісьменнасці ААН: адукацыя для ўсіх
- ААН працуе над праблемамі культурнай разнастайнасці
- Мовы народаў Сібіры, што знікаюць
- Шматмоўе у Інтэрнеце*
- Фонд для захавання моў, што знікаюць