З 27 чэрвеня па 10 ліпеня ў зале беларускай літаратуры (пам. 205) праходзіць выстаўка “Аб’ектыўнасць, дакладнасць, пераканаўчасць”, прысвечаная 90-годдзю з дня нараджэння беларускага вучонага В.А. Круталевіча (1922–2006).
Выстаўка складаецца з трох раздзелаў: “Пошукі ісціны”, “Талент, пераканаўчасць, грунтоўнасць”, “Жыццё, навука, праца”. У іх прадстаўлены манаграфіі, публікацыі аўтара, змешчаныя ў перыёдыцы, і кнігі, выдадзеныя пад рэдакцыяй вучонага. Сярод асноўных прац вылучаюцца “Рождение Белорусской Советской Республики (На пути к провозглашению республики. Октябрь 1917 – декабрь 1918 г.)” (1975), “Рождение Белорусской Советской Республики (Провозглашение республики. Развертывание национально-государственного строительства. Ноябрь 1918 – февраль 1919 г.)” (1979), “На путях национального самоопределения. БНР – БССР – РБ” (1995), “Гісторыя дзяржавы і права Беларусі (1917–1945 гг.)” (у суаўтар. з І.А. Юхо, 1998), “История Беларуси: становление национальной державности (1917–1922 гг.)” (1999, 2003), “О Белорусской Народной Республике (Аналитические заметки и комментарии)” (2005), “Очерки истории государства и права Беларуси” (2007, 2009).
Вадзім Андрэевіч усё жыццё быў у пастаянным навуковым пошуку. Працаваў у архівах і адшукваў невядомыя матэрыялы па гісторыі беларускай дзяржаўнасці. Яго кнігі прасякнуты дакументалізмам і навізной навуковай думкі. Ён быў адным з тых даследчыкаў, для якіх дакладнасць павінна быць пераканаўчай.
У апошні раздзел выстаўкі ўвайшлі энцыклапедычныя выданні, у якіх расказваецца пра жыццё і творчасць вучонага-юрыста, гісторыка, сацыёлага, лаўрэата Дзяржаўнай прэміі Беларусі (2000) Вадзіма Андрэевіча Круталевіча.
Кантактны тэлефон: (+375-17) 293-27-16.
 |
 |
 |
 |
 |
 |
