ГалоўнаяНавіныКніжныя выстаўкі
Мецэнацтва ў Расіі
Да ведама бібліятэк, якія выкарыстоўваюць Сярэднія табліцы ББК

ААН у імя міру, развіцця і праў чалавека

ААН у імя міру, развіцця і праў чалавека
Іншыя навіны

З 14 кастрычніка па 2 лістапада ў аддзеле абслугоўвання афіцыйнымі дакументамі (пам. 207) адкрыта тэматычная кніжная выстаўка "ААН у імя міру, развіцця і праў чалавека", прысвечаная Дню Арганізацыі Аб'яднаных Нацый.


Гэты Дзень быў абвешчаны 31 кастрычніка 1947 года на 2-й сесіі Генеральнай Асамблеі ААН (рэзалюцыя № 168) і штогод адзначаецца 24 кастрычніка, пачынаючы з 1948 года. Дзень ААН – гэта дзень нараджэння Арганізацыі Аб’яднаных Нацый: 24 кастрычніка 1945 года ўступіў у сілу асноўны дакумент Арганізацыі – яе Статут.

У 1971 годзе на 26-й сесіі Генеральная Асамблея Арганізацыі Аб’яднаных Нацый прыняла рэзалюцыю A/RES/2782 (ХХVI), у якой яна рэкамендавала дзяржавам-членам адзначаць гэты дзень як дзяржаўнае свята. Традыцыйна ў гэты дзень ва ўсім міры праводзяцца сустрэчы, зборы, дыскусійныя круглыя сталы, выстаўкі, прысвечаныя мэтам Арганізацыі і яе дасягненням.

Большасць з нас ведае пра дзейнасць Арганізацыі Аб’яднаных Нацый, звязанай з падтрыманнем міру або аказаннем гуманітарнай дапамогі. Аднак далёка не заўсёды і не так добра вядома пра шматлікія іншыя аспекты яе дзейнасці. Арганізацыя Аб’яднаных Нацый з’яўляецца цэнтрам рашэння праблем, з якімі сутыкаецца чалавецтва. Гэтая дзейнасць ажыццяўляецца сумеснымі намаганнямі звыш 30 звязаных з ёй арганізацый, якія складаюць сістэму ААН. Арганізацыя Аб’яднаных Нацый і іншыя арганізацыі яе сістэмы вядуць работу па садзейнічанні захаванню праў чалавека, ахове навакольнага асяроддзя, барацьбе з хваробамі, забеспячэнню развіцця і барацьбе з галечай. Установы Арганізацыі Аб’яднаных Нацый распрацоўваюць нормы і правілы бяспечнага і эфектыўнага паветранага і марскога паведамлення, спрыяюць удасканаленню тэлекамунікацый і абароне інтарэсаў спажыўцоў, садзейнічаюць забеспячэнню павагі да праў інтэлектуальнай уласнасці. Арганізацыя Аб’яднаных Нацый таксама з’яўляецца ініцыятарам міжнародных кампаній па барацьбе з незаконным абарачэннем наркотыкаў і тэрарызмам. Дзейнічаючы ва ўсіх рэгіёнах свету, ААН і яе ўстановы аказваюць дапамогу бежанцам і ажыццяўляюць праграмы размініравання, дапамагаюць палепшыць якасць пітной вады і павялічыць аб’ём вытворчасці харчовых прадуктаў, даюць пазыкі краінам, якія развіваюцца, і дапамагаюць стабілізаваць фінансавыя рынкі.

На дадзены момант у склад Арганізацыі Аб’яднаных Нацый уваходзіць 192 дзяржавы, кожная з якіх таксама з’яўляецца членам Генеральнай Асамблеі ААН.

Рэспубліка Беларусь стаяла ля вытокаў стварэння ААН. Наша краіна была ў ліку 51 дзяржавы – заснавальніцы Арганізацыі Аб’яднаных Нацый. Супрацоўніцтва паміж Рэспублікай Беларусь і Арганізацыяй Аб’яднаных Нацый з’яўляецца адным з прыярытэтных кірункаў знешнепалітычнай дзейнасці нашай краіны. Беларуская дэлегацыя пастаянна ўдзельнічае ў рэгулярных і спецыяльных сесіях Генеральнай Асамблеі, Эканамічнага і сацыяльнага савета і іншых кіруючых органаў ААН. Рэспубліка Беларусь заўсёды імкнулася займаць у рамках ААН актыўную пазіцыю па крытычна важных пытаннях і праблемах міжнароднага парадку дня і ўносіць рэальны ўклад у рашэнне дадзеных праблем. Прадстаўніцтва ААН у Беларусі пачало функцыянаваць у 1992 годзе. Супольнасць ААН у Рэспубліцы Беларусь уключае 11 агенцтваў, фондаў і праграм сістэмы ААН. Асноўныя кірункі дзейнасці ПРААН у нашай краіне: дэмакратычнае ўпраўленне, зніжэнне беднаты, пераадоленне крызісаў, энергетыка і навакольнае асяроддзе, ВІЧ/ СНІД, пашырэнне сацыяльнага ўплыву жанчын, трансмежнае супрацоўніцтва.

На выстаўцы прадстаўлена больш за 100 дакументаў з фондаў Нацыянальнай бібліятэкі Беларусі на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.

Экспазіцыя складаецца з наступных тэматычных раздзелаў:

  • Асноўныя звесткі пра ААН.
  • Правы чалавека.
  • Міжнароднае права.
  • Гуманітарныя пытанні.
  • Падтрыманне міру і міжнароднай бяспекі.
  • Эканамічнае і сацыяльнае развіццё.
  • ААН і Рэспубліка Беларусь.

Выстаўка будзе цікавая спецыялістам у галіне міжнароднага права і міжнародных адносін, палітолагам, студэнтам і выкладчыкам, а таксама ўсім тым, хто цікавіцца дзейнасцю ААН.

Карысныя спасылкі

Асноўныя звесткі

Партнёрскія сувязі

Публікацыі

Навіны

Падведзены вынікі працы сістэмы карпаратыўнай каталагізацыі бібліятэк Беларусі за 2019 г.

6 Сне 2019

5 снежня на базе Нацыянальнай бібліятэкі Беларусі адбылося пасяджэнне Тэхналагічнага камітэта сістэмы карпаратыўнай каталагізацы бібліятэк Беларусі.

Навіны Нацыянальнай бібліятэкі Беларусі

Лекцыя аб сучасным беларускім канцэртна-выканальніцкім мастацтве

6 Сне 2019

5 снежня адбылася чарговая сустрэча ў межах цыкла “Беларуская музыка ў сусветнай мастацкай прасторы”. З сучасным беларускім канцэртна-выканальніцкім мастацтвам слухачоў пазнаёміла кандыдат мастацтвазнаўства, старшы навуковы супрацоўнік Інстытута мастацтвазнаўства, этнаграфіі і фальклору імя К. Крапівы Ірына Леанідаўна Гарбушына.

Навіны Нацыянальнай бібліятэкі Беларусі

6 Сне 2019

Да Рэгіянальнага зводнага каталога бібліятэк Брэсцкай вобласці далучыліся дзяржаўная ўстанова культуры “Маларыцкая раённая цэнтралізаваная бібліятэчная сістэма” і дзяржаўная ўстанова культуры “Жабінкаўская раённая цэнтралізаваная бібліятэчная сістэма”.

Навіны Нацыянальнай бібліятэкі Беларусі

Дамалюй працяг: выйшла другая частка дзіцячага комікса “Не для чужых вачэй”

6 Сне 2019

Выйшаў працяг прыгодніцкага комікса, выпушчанага ў падтрымку дабрачыннага праекта Беларускага дзіцячага фонду і кампаніі А1 “Я бачу!”. З 4 снежня другую частку гісторыі пра школьнікаў, іншапланецян і незвычайныя акуляры можна атрымаць у падарунак у кнігарнях Мінска і Віцебска.

Навіны бібліятэк

111