З 16 кастрычніка па 12 лістапада ў аддзеле абслугоўвання афіцыйнымі дакументамі (пам. 207) арганізавана выстаўка “ААН на карысць міру, развіцця і ажыццяўлення праў чалавека”, прысвечаная Дню Арганізацыі Аб'яднаных Нацый.
Гэты Дзень быў абвешчаны 31 кастрычніка 1947 года на 2-й сесіі Генеральнай Асамблеі ААН (рэзалюцыя № 168) і штогод адзначаецца 24 кастрычніка, пачынаючы з 1948 года. Дзень ААН – гэта дзень нараджэння Арганізацыі Аб’яднаных Нацый: 24 кастрычніка 1945 года ўступіў у сілу яе асноўны дакумент – Статут.
Арганізацыя Аб’яднаных Нацый з’яўляецца ўнікальнай міжнароднай арганізацыяй. Яна была заснавана пасля Другой сусветнай вайны прадстаўнікамі 51 краіны, якія з’яўляліся прыхільнікамі курсу на падтрыманне міру і бяспекі ва ўсім свеце і развіццё сяброўскіх адносін паміж краінамі. На сённяшні дзень членамі Арганізацыі Аб’яднаных Нацый з’яўляюцца 192 дзяржавы.
Пра Арганізацыю Аб’яднаных Нацый ведаюць у самых аддаленых кутках планеты. Дзейнасць Арганізацыі шматгранная і ахоплівае шырокае кола важных праблем – ад устойлівага развіцця і барацьбы з тэрарызмам, заахвочвання дэмакратыі і развіцця сістэмы кіравання да аховы навакольнага асяроддзя і вырашэння глабальных медыцынскіх праблем; ад размініравання да развіцця вытворчасці прадуктаў харчавання. Агульнавядомыя поспехі Арганізацыі Аб’яднаных Нацый у такіх сферах дзейнасці, як падтрыманне міру і гуманітарная дапамога.
Святкаванне Дня Арганізацыі Аб’яднаных Нацый служыць напамінам пра тое, што наша планета – гэта наш агульны дом і з дапамогай усеагульнага дыялогу і супрацоўніцтва можна вырашыць любыя наяўныя праблемы. Супрацоўніцтва ў рамках ААН стала важнай часткай міжнародных адносін.
Рэспубліка Беларусь стаяла ля вытокаў стварэння ААН. Наша краіна была ў ліку 51 дзяржавы – заснавальніцы Арганізацыі Аб’яднаных Нацый. Супрацоўніцтва паміж Рэспублікай Беларусь і Арганізацыяй Аб’яднаных Нацый з’яўляецца адным з прыярытэтных напрамкаў замежнапалітычнай дзейнасці нашай краіны. Беларуская дэлегацыя пастаянна ўдзельнічае ў рэгулярных і спецыяльных сесіях Генеральнай Асамблеі, Эканамічнага і сацыяльнага савета і іншых кіруючых органаў ААН. Рэспубліка Беларусь заўсёды імкнулася займаць у рамках ААН актыўную пазіцыю па крытычна важных пытаннях і праблемах міжнароднага парадку дня і ўносіць рэальны ўклад у вырашэнне гэтых праблем.
Шматгранная дзейнасць ААН па пазбаўленні будучых пакаленняў ад бедстваў вайны, падтрыманні міру і міжнароднай бяспекі, развіцці дружалюбных адносін паміж нацыямі на аснове прынцыпу раўнапраўя і самавызначэння народаў, ажыццяўленні міжнароднага супрацоўніцтва ў вырашэнні міжнародных праблем эканамічнага, сацыяльнага, культурнага і гуманітарнага характару раскрываецца ў дакументах, прадстаўленых на выстаўцы.
У экспазіцыі дэманструецца больш за 100 дакументаў з фондаў бібліятэкі на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.
Экспазіцыя складаецца з наступных тэматычных раздзелаў:
- Асноўныя звесткі пра ААН.
- Правы чалавека.
- Міжнароднае права.
- Гуманітарныя пытанні.
- Падтрыманне міру і міжнароднай бяспекі.
- Эканамічнае і сацыяльнае развіццё.
- ААН і Рэспубліка Беларусь.
Выстаўка будзе цікавая спецыялістам у сферы міжнароднага права і міжнародных адносін, палітолагам, студэнтам і выкладчыкам, а таксама ўсім, хто цікавіцца дзейнасцю ААН.
Карысныя спасылкі
Асноўныя звесткі
- Генеральны сакратар
- Галоўныя органы ААН
- Дзяржавы – члены ААН
- Інфармацыя аб ААН на іншых мовах
- Гісторыя ААН
- Кніжны магазін ААН
- Агульныя звесткі
- ААН у дзеянні
- Арганізацыйная структура
- Рэформа ААН
- Пытанні, якія часта задаюць
- Статут ААН
- Хроніка ААН
- Эмблема і сцяг
Партнёрскія сувязі
- Глабальная мадэль ААН
- Глабальны дагавор
- Грамадзянская супольнасць
- Дзелавыя кругі
- ААН і вяршэнства права
- ААН працуе для вас
- Партнёрства
Публікацыі
- Усё самае цікавае аб Арганізацыі Аб’яднаных Нацый
- З дня ў дзень
- Коратка аб ААН
- Гэта – Арганізацыя Аб’яднаных Нацый
- Дадатковыя публікацыі ААН