З 21 красавіка 2008 года ўвазе чытачоў і наведвальнікаў Нацыянальная бібліятэка Беларусі прапануе тэматычную кніжную выстаўку, прысвечаную Сусветнаму дню кнігі і аўтарскага права.

У 1995 годзе Генеральная канферэнцыя ЮНЕСКА абвясціла 23 красавіка Сусветным днём кнігі і аўтарскага права, аддаючы даніну павагі кнігам і аўтарам, заклікаючы знаходзіць задавальненне ў чытанні і шанаваць неацэнны ўклад тых, хто садзейнічаў сацыяльнаму і культурнаму прагрэсу чалавецтва.

На выстаўцы прадстаўлена каля 150 дакументаў. Адзін з раздзелаў экспазіцыі прысвечаны кніжнай серыі "Литературные памятники", куды ўключаны найбольш значныя творы сусветнай літаратуры (навуковай і мастацкай) усіх часоў і народаў, набліжаныя да кананічных; літаратурныя героі, яркі вобраз якіх перажыў сваіх стваральнікаў, свой час і здабыў неўміручасць у гісторыі сусветнай культуры.

Другі раздзел выстаўкі знаёміць з вартасцямі і сілай аўтарскага права, з яго магчымасцямі пры вырашэнні эканамічных і сацыяльных праблем, з яго развіццём і сучасным станам, з эканоміка-прававым механізмам адносін інтэлектуальнай уласнасці ў Рэспубліцы Беларусь і ў Расіі, яе прававой аховай і абаронай, а таксама асновамі кіравання.

Экспазіцыя размешчана ў атрыуме 2-га паверха.

Кантактны тэлефон 293-28-86.

Аўтарства без тэрміну даўнасці

Інфармацыйныя рэсурсы

Паслугі