ГалоўнаяНавіныДа 100-годдзя Нацыянальнай бібліятэкі Беларусі
Анлайн-запіс на каворкінг!
Песня аб райскім жыцці: інсітнае мастацтва Алены Кіш

Новы віртуальны праект да 100-годдзя Нацыянальнай бібліятэкі Беларусі

Новы віртуальны праект да 100-годдзя Нацыянальнай бібліятэкі Беларусі
Іншыя навіны

Прапануем вашай увазе віртуальны праект “Нацыянальная бібліятэка Беларусі ў сучаснай прэсе”, прысвечаны 100-годдзю галоўнай бібліятэкі краіны. Праект плануецца рэалізоўваць на працягу 2021–2022 гг.

Гісторыя Нацыянальнай бібліятэкі Беларусі пачынаецца з 20-х гадоў мінулага стагоддзя. Гэта быў час цяжкіх выпрабаванняў: краіна, якая перажыла вайну, а за ёй разруху і голад, паступова вярталася да мірнага жыцця. Ужо з канца 1921 года на базе фондаў бібліятэкі БДУ і Цэнтральнай беларускай бібліятэкі пачынаецца арганізацыя аб’яднанай Дзяржаўнай і ўніверсітэцкай бібліятэкі, для якой у той час быў выдзелены яе першы ўласны будынак – Юбілейны дом па вуліцы Захар’еўскай (сённяшні праспект Незалежнасці). У ім бібліятэка знаходзілася да 1932 года.

Афіцыйнай датай заснавання Нацыянальнай бібліятэкі Беларусі (у 1922 годзе – Беларускай дзяржаўнай бібліятэкі) у адпаведнасці з пастановай Савета Народных Камісараў Беларускай ССР “Об учреждении Белорусской государственной библиотеки и обязательной регистрации всех произведений печати, выходящих в пределах ССРБ” лічыцца 15 верасня 1922 года. Цяпер гэтая дата адзначаецца як агульнадзяржаўны Дзень бібліятэк.

Тады ніхто – нават у самых смелых марах – не мог уявіць, што пазней, у пачатку наступнага стагоддзя, будзе створана ўнікальная пабудова, якая стане не толькі візітоўкай нашага горада і краіны, але і новай вехай у гісторыі Нацыянальнай бібліятэкі Беларусі.

На аснове публікацый у прэсе новы праект пазнаёміць з рознымі аспектамі дзейнасці бібліятэкі, пачынаючы з узвядзення новага будынка і па сённяшні час. Мы раскажам пра найбольш значныя падзеі з яе гісторыі, пазнаёмім з выставачнымі праектамі, канферэнцыямі і іншымі мерапрыемствамі, якія праходзяць на базе бібліятэкі. Упэўнены, што ўнікальныя архіўныя матэрыялы, успаміны супрацоўнікаў і ветэранамі ўстановы найбольш ярка адлюструюць, чым жыла скарбніца ведаў раней і як істотна змянілася яе жыццё цяпер.

Асновай для знаёмства з жыццём нашай арганізацыі стане паўнатэкставая база даных “Нацыянальная бібліятэка Беларусі ў прэсе”, якая на сенняшні дзень налічвае каля 11 тысяч разнастайных дакументаў.

Сачыце за нашымі навінамі ў рубрыцы “Да 100-годдзя Нацыянальнай бібліятэкі Беларусі” – і вы даведаецеся шмат цікавага пра бібліятэку і яе супрацоўнікаў.

Матэрыял пададзены інфармацыйна-аналітычным аддзелам.

Навіны

Да 85-годдзя з дня нараджэння першага загадчыка навукова-даследчага аддзела Нацыянальнай бібліятэкі Беларусі Канстанціна Сямёнавіча Санько

3 Сак 2021

Канстанцін Сямёнавіч нарадзіўся 3 сакавіка 1936 года ў вёсцы Пахабаўшчына (сёння – в. Альбянка Нясвіжскага раёна Мінскай вобласці) у сялянскай сям’і.

Партрэты: гісторыя бібліятэкі ў асобах

Хроніка будаўніцтва. 2002 год

2 Сак 2021

Наступныя некалькі публікацый у рамках віртуальнага праекта “Нацыянальная бібліятэка Беларусі ў сучаснай прэсе” будуць прысвечаны хроніцы будаўніцтва новага будынка, перадавым тэхналогіям беларускіх архітэктараў і праекціроўшчыкаў і ўнікальнаму досведу, назапашанаму за час узвядзення новага будынка галоўнай бібліятэкі краіны.

Да 100-годдзя Нацыянальнай бібліятэкі Беларусі

#BelBookChallenge рэкамендуе: зборнікі любоўнай лірыкі

2 Сак 2021

У першыя вясновыя дзянькі сэрца патрабуе цяпла не толькі ад тэрмометра, але і ў душы. А дзе шукаць сардэчнае цяпло, як не ў каханні? Першыя цёплыя абдымкі квітнеючага юнацтва або жар шчырых пачуццяў на піку адносін – усё гэта, вядома, ёсць і ў жыцці, але перад тым, як акунуцца ў любоўныя перыпетыі, варта патрэніравацца на кнігах. А, як мы ведаем, нішто не раскажа пра каханне лепш, чым паэзія! Наступная тэма BelBookChallenge – зборнікі любоўнай лірыкі.

Блог прафесійнага чытача

3 Сак 2021

Сусветны дзень пісьменніка 3 сакавіка на канале «Беларусь 3» адзначаць паказамі праграм, прысвечаных беларускім класікам. А 5 сакавіка ўбачым экранізацыю п'есы «Хто смяецца апошнім» Кандрата Крапівы, юбілей якога адзначаецца сёлета.

Навіны бібліятэк

Залатая Горка, Доўгі Брод, Пярэспа: гісторыя пасляваеннага Мінска ў фотадакументах

2 Сак 2021

Гісторык і экскурсавод Іван Сацукевіч прадставіў на ХХVIII Мінскай міжнароднай кніжнай выставе-кірмашы сваю кнігу “Минск: из руин к процветанию”. Выданне прысвечана пасляваеннай гісторыі сталіцы ў перыяд з 1944 па 1979 год.

Навіны бібліятэк

Бібліятэкарам
111