16 студзеня ў бібліятэцы ладзіцца пасяджэнне круглага стала “Маладнякоўскімі крокамі”, які прымеркаваны да 100-годдзя ўтварэння Усебеларускага літаратурнага аб’яднання паэтаў і пісьменнікаў “Маладняк” (1923–1928).
Для адзначэння юбілейнай даты быў арганізаваны рэспубліканскі праект “На хвалі часу, у плыні жыцця” (2019–2023). Ініцыятарамі яго стварэння сталі Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).
Круглы стол пройдзе ў рамках Дня літаб’яднання “Маладняк”.
Падчас мерапрыемства плануецца абмеркаванне ролі літаб’яднання “Маладняк” у станаўленні беларускай літаратуры 1920-х гг., дзейнасці і спадчыны найбольш яркіх “маладнякоўцаў”, вынікаў першага года працы праекта “На хвалі часу, у плыні жыцця”, перспектыў і кірункаў далейшай сумеснай дзейнасці.
Запрашаем прыняць удзел у рабоце круглага стала даследчыкаў, літаратуразнаўцаў, пісьменнікаў, музейных і бібліятэчных работнікаў, а таксама ўсіх зацікаўленых.
Мерапрыемства адбудзецца 16 студзеня 2020 г. з 11.00 да 14.00 у зале адукацыйных тэхналогій (пам. 346).
Зарэгістравацца ў якасці дакладчыка ці госця можна да 10 студзеня 2020 г. па кантактных тэлефонах ці e-mail: oniki@nlb.by
Кантакты:
Працько Ніна Леанідаўна, загадчык інфармацыйна-аналітычнага аддзела,
тэлефон: (8 017) 293 27 19,
Лаўрык Таццяна Анатольеўна, галоўны бібліёграф інфармацыйна-аналітычнага аддзела,
тэлефон: (8 017) 293 29 69.