ГалоўнаяНавіныДа 100-годдзя літаб'яднання "Маладняк"
#BelBookChallenge падаўжаецца да 6 сакавіка
Вялікі талент, вялікая работа, вялікае сэрца

Віртуальная прэзентацыя літаратурнай спадчыны Андрэя Александровіча

Віртуальная прэзентацыя літаратурнай спадчыны Андрэя Александровіча
Іншыя навіны

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Асноўнай часткай мерапрыемства стане прадстаўленне новага раздзела віртуальнага праекта “На хвалі часу, у плыні жыцця”, у якім сабрана прыжыццёвая спадчына пісьменніка – кнігі з фонду Нацыянальнай бібліятэкі Беларусі (большая колькасць з іх у алічбаваным варыянце), а таксама публікацыі сучасных аўтараў, рукапісы, дакументы, ліставанне А. Александровіча, фотаздымкі (з фондаў партнёраў бібліятэкі) і яшчэ шмат цікавага. З прэзентацыяй раздзела выступіць галоўны бібліёграф інфармацыйна-аналітычнага аддзела Юлія Амосава.

phZhShljahAlexandrovich02.jpg

Язэп Пушча, Уладзімір Дубоўка, Андрэй Александровіч, 1924–1925 гг. З фондаў БДАМЛМ

На мерапрыемстве прагучыць паведамленне загадчыцы інфармацыйна-аналітычнага аддзела Таццяны Лаўрык “Праект “На хвалі часу, у плыні жыцця” і кнігі А. Александровіча ў фондзе НББ”.

Намеснік генеральнага дырэктара Нацыянальнай бібліятэкі Беларусі Алесь Суша прадставіць паведамленне “Александровіч-кніжнік: дакументы міжваеннага часу”.

З паведамленнем “Андрэй Александровіч – паэт-урбаніст” возьме ўдзел у віртуальнай прэзентацыі партнёр праекта Віктар Жыбуль – літаратуразнавец, паэт, вядучы навуковы супрацоўнік Беларускага дзяржаўнага архіва-музея літаратуры і мастацтва, даследчык спадчыны “маладнякоўцаў”. Ён раскажа пра фігурныя вершы ў творчасці паэта, а таксама пра яго месца ў стварэнні літаб’яднання “Маладняк”.

Запрашаем загадзя (да 20 студзеня) накіраваць вашы пытанні і прапановы да ўдзельнікаў віртуальнай прэзентацыі (звяртайцеся ў суполку “О, Беларусь, мая шыпшына!” у Фэйсбуку). Будзем рады раскрыць больш інфармацыі пра літаратурную спадчыну Андрэя Александровіча і адказаць на ўсе пытанні.

Віртуальная прэзентацыя стане даступнай для прагляду 22 студзеня 2021 г. на інтэрнэт-партале Нацыянальнай бібліятэкі і ў суполцы “О, Беларусь, мая шыпшына”.

Запрашаем усіх зацікаўленых!

Матэрыял пададзены інфармацыйна-аналітычным аддзелам.

Навіны

Унікальная выстаўка бальных убораў і аксесуараў адкрылася ў бібліятэцы

4 Сак 2021

4 сакавіка ў выставачным комплексе бібліятэкі (пам. 104) адбылося адкрыццё ўнікальнага праекта “Бляск убораў і таямніцы флірту”. Экспанаты прадстаўлены з прыватнай калекцыі Ігара Сурмачэўскага.

Мастацкія выстаўкі

#BelBookChallenge прапануе: кнігі з дзяцінства ў перакладзе на беларускую мову

4 Сак 2021

BelBookChallenge не проста так прапануе вам наступную тэму – кнігі, што падабаліся ў дзяцінстве, у перакладзе на беларускую. Што за магчымасць, акрамя выкліку самому сабе, можа прымусіць нас вярнуцца да нечага ўжо прачытанага і асэнсаванага некалі?

Блог прафесійнага чытача

Экскурсія па творчасці Францішка Багушэвіча

4 Сак 2021

3 сакавіка ў Нацыянальнай бібліятэцы Беларусі прайшла першая з цыкла “Славутыя імёны Бацькаўшчыны” экскурсія па творчасці Францішка Багушэвіча, аднаго з пачынальнікаў новай беларускай літаратуры. На  экскурсію завіталі навучэнцы Мінскага дзяржаўнага ліцэя № 7 будаўніцтва.

Навіны Нацыянальнай бібліятэкі Беларусі

Бібліятэкарам
111