27 студзеня ў Нацыянальнай бібліятэцы Беларусі пройдзе навукова-практычны семінар “Шляхамі маладнякоўцаў”, прысвечаны юбілеям пісьменнікаў-маладнякоўцаў: 135-годдзю Змітрака Бядулі (1886–1941) і 120-годдзю Міхася Зарэцкага (1901–1937).
Больш падрабязна пра план работы навукова-практычнага семінара, які рэалізуецца ў межах праекта “На хвалі часу, у плыні жыцця”, можна даведацца з праграмы мерапрыемства.
У сувязі з эпідэміялагічнай сітуацыяй удзел у семінары будзе праходзіць у вочным і завочным фарматах, таксама прадугледжаны жывы эфір пасяджэння круглага стала (на канале YouTube па адрасе https://youtu.be/H0URNVUNQcc).
Падчас трансляцыі можна будзе не толькі сачыць за дыскусіяй у рэжыме рэальнага часу, але і задаваць пытанні, каментаваць выступленні.
Спампаваць праграму можна тут.
Запрашаем усіх зацікаўленых!
Месца правядзення: Міжнародны прэс-цэнтр (3-ці паверх, пам. 308).
Час правядзення: 11.00–14.00.
Тэлефоны для даведак: (8 017) 293 27 19, 293 27 43.
Матэрыял пададзены інфармацыйна-аналітычным аддзелам.
