ГалоўнаяНавіныДа 100-годдзя літаб'яднання "Маладняк"
Не прапусціце прэм’еру дакументальнага фільма “Бібліятэчны фронт: 1941–1945 гг.”
Запрашэнне ў антыўтопію

Памяць пра Уладзіміра Дубоўку не згасне

Памяць пра Уладзіміра Дубоўку не згасне
Іншыя навіны

З цікавымі старонкамі віртуальнага праекта “На хвалі часу, у плыні жыцця” цяпер можна пазнаёміцца ў спецыяльна створанай рубрыцы навін “Да 100-годдзя літаб’яднання «Маладняк»” на партале Нацыянальнай бібліятэкі Беларусі.

У ліпені да дня нараджэння Уладзіміра Мікалаевіча Дубоўкі (1900 ці 1901–1976) будзе прэзентавацца новы раздзел, прысвечаны таленавітаму беларускаму паэту-наватару, празаіку, мовазнаўцу, перакладчыку.

Плённае супрацоўніцтва з рознымі культурнымі ўстановамі ў рамках нашага праекта дае магчымасць больш поўна і шматбакова прадставіць постаць паэта. Нацыянальная бібліятэка Беларусі наладзіла сувязь з Пастаўскай дзіцячай бібліятэкай імя У. Дубоўкі, калектыў якой імкнецца вывучаць і папулярызаваць творчасць свайго земляка.

Dubouka-1.JPG

Дзіцячая бібліятэка імя У. Дубоўкі, г. Паставы.
Фота Пастаўскай дзіцячай бібліятэкі

Супрацоўнікі бібліятэкі падзяліліся з намі інфармацыяй пра мерапрыемствы, якія ладзяцца ў гонар памяці пісьменніка. А гэта літаратурныя сустрэчы, музычныя імпрэзы, кніжныя выставы, акцыі і іншае.

Напрыклад, падчас літаратурнай сустрэчы “Жыццё маё – ці васілёк, ці ружа” дзяўчаты ў нацыянальных строях дарылі людзям галінкі шыпшыны і буклеты з вершамі У. Дубоўкі.

А ў ліпені 2018 г. весела і пазітыўна прайшоў велапрабег “Хацелася пабыць ля Доўжа”, маршрут якога пралягаў праз родныя вёскі паэта Манькавічы і Агароднікі і закончыўся каля возера Доўжа, якое так маляўніча апяваў Уладзімір Дубоўка ў сваіх вершах:

…А колькі дзе б ні вандраваў,
Хоць добра ўсюды і прыгожа,
Мяне цягнула да Пастаў,
Хацелася пабыць ля Доўжа.
У Айчыне многа гарадоў,
І вёсак – незлічоны шэраг.
А ўсё ж адсюль я ў свет пайшоў,
І тут ён, гэты самы бераг…

1958 г.

Каштоўным набыткам для праекта сталі дакументы, атрыманыя ад Пастаўскай дзіцячай бібліятэкі імя У. Дубоўкі, якія размешчаны у раздзеле “Фотагалерэя пісьменніка”. Гэта лісты пісьменніка да яго былой настаўніцы Ніны Сцяпанаўны Жук.

У рамках віртуальнага праекта “На хвалі часу, у плыні жыцця” вы можаце пазнаёміцца з поўнымі тэкстамі часопісаў, альманахаў і літаратурных выданняў аб’яднання “Маладняк”, а таксама з прыжыццёвымі кнігамі сяброў арганізацыі.

Сачыце за навінамі, вас чакае яшчэ шмат цікавага і пазнавальнага!

Матэрыял падрыхтаваны інфармацыйна-аналітычным аддзелам.

Навіны

Гісторыя, інтэрв’ю, экскурсіі ды іншыя цікавосткі – топ відэа пра Нацыянальную бібліятэку Беларусі

22 Май 2020

Нацыянальная бібліятэка Беларусі, турбуючыся пра здароўе сваіх чытачоў, часова зачыніла свае дзверы для наведвальнікаў, але па-ранейшаму працягвае актыўную працу анлайн.

Бібліятэка анлайн

Зводны электронны каталог бібліятэк Беларусі – для дыстанцыйнага абслугоўвання карыстальнікаў

22 Май 2020

З пераходам бібліятэк на дыстанцыйную форму абслугоўвання Зводны электронны каталог бібліятэк Беларусі можа стаць цудоўным памочнікам у пошуку і аддаленай працы з фондамі найбуйнейшых бібліятэк краіны.

Бібліятэка анлайн

22 мая – 120 гадоў з дня нараджэння вядомага беларускага вучонага Мікалая Іванавіча Каспяровіча

22 Май 2020

Славуты беларускі навуковец М.І. Каспяровіч (1900–1937) пакінуў значны след у гісторыі культуры Беларусі. Яго цікавілі літаратура і мова, архітэктура і жывапіс, гісторыя і этнаграфія, але найбольшую вядомасць ён атрымаў як выдатны краязнаўца і арганізатар беларускага краязнаўчага руху першай трэці ХХ ст.

Па старонках беларускага календара

Новы анлайн-праект Нацыянальнай бібліятэкі Беларусі “Па старонках беларускага календара”

21 Май 2020

З 22 мая на нашым партале адкрываецца пастаянная тэматычная рубрыка, у якой шматгранна і лаканічна будзе давацца інфармацыя аб асноўных знамянальных падзеях і выбітных асобах айчыннай гісторыі і культуры.

Па старонках беларускага календара

Запрашэнне ў антыўтопію

21 Май 2020

Кажуць, утопіі – выдатная рэч, але выключна на паперы. Як любы міф, ілюзія, у рэальным свеце рэальных людзей яны не дужа жыццяздольныя. Таму натуральна нараджэнне жанру антыўтопіі – палемікі з міфам. Можна нават сказаць, што без утопіі жанр, які з ёю палемізуе, не нарадзіўся б (не было б з чым спрачацца).

Блог прафесійнага чытача

Відэаархіў найноўшых даследаванняў, прысвечаных Жыровічам і беларускай кніжнасці

20 Май 2020

Нацыянальная бібліятэка Беларусі адмыслова да 500-годдзя Жыровіцкага манастыра, якое адзначаецца сёння, адкрыла доступ да відэаархіва найноўшых даследаванняў, прысвечаных Жыровічам і беларускай кніжнасці.

Бібліятэка анлайн

111