3 мэтай увекавечання памяці аб знакамітым дзеячы беларускай літаратуры Змітраку Бядулю Дзяржаўным музеем гісторыі беларускай літаратуры ініцыяваны збор сродкаў на стварэнне надмагільнага помніка пісьменніку.
У пачатку Вялікай Айчыннай вайны, 3 лістапада 1941 года, Змітрок Бядуля naмëp у эвакуацыі каля г. Уральск (Казахстан), дзе быў пахаваны на гарадскіх могілках. Намаганнямі дзяржавы i грамадскасці, нacynepaк шматлікім складанасцям, была арганізавана работа na вяртанні яго на Бацькаўшчыну. 3 лістапада 2020 года пры арганізацыйнай падтрымцы Міністэрства культуры, Міністэрства інфармацыі, Мінгарвыканкама, музея i прыхільнікаў таленту беларускага пісьменніка адбылося перазахаванне яго парэштак на Усходніх могілках у Мінску.
Эскіз надмагільнага манумента распрацаваў вядомы беларускі скульптар Сяргей Гумілеўскі. Для яго вытворчасці i ўстаноўкі неабходна сабраць суму ў памеры 12,5 тысячы беларускіх рублёў. Для прыцягнення дабрачынных сродкаў распачата інфармацыйная кампанія сярод зацікаўленых грамадскіх арганізацый i буйных прадпрыемстваў.
Разліковы рахунак у беларускіх рублях:
BY15AKBB36429000005530000000
у AAT “АЗБ Беларусбанк”
БІК: АКВВВY2X
УНП: 190269032
Музей будзе ўдзячны за любую фінансавую падтрымку праекта, бо кожнае ахвяраванне – гэта знак неабыякавасці, глыбокага патрыятызму i шанавання нашай нацыянальнай спадчыны.
Матэрыял пададзены Дзяржаўным музеем гісторыі беларускай літаратуры.
У рамках віртуальнага праекта “На хвалі часу, у плыні жыцця” Нацыянальнай бібліятэкай Беларусі створаны раздзел “Жыццёвы і творчы шлях Змітрака Бядулі: да 135-годдзя з дня нараджэння пісьменніка”.
