ГалоўнаяНавіныБуктрэйлеры
Краязнаўчыя рэсурсы ВЧЗ – педагогам Мінскай вобласці
Знойдзеныя дакументы праліваюць святло на гісторыю Жыровіцкага манастыра (+відэа)

Буктрэйлеры: “А зори здесь тихие…” Барыса Васільева

Буктрэйлеры: “А зори здесь тихие…” Барыса Васільева
Іншыя навіны

Нацыянальная бібліятэка Беларусі стала адным з арганізатараў конкурсу буктрэйлераў – кароткіх відэаролікаў, прысвечаных пэўнай кнізе. Сярод задач конкурсу – стварэнне калекцыі такіх відэа для далейшай перадачы ў бібліятэчную сістэму рэспублікі. У спецыяльнай рубрыцы нашага партала можна пазнаёміцца з матэрыяламі, створанымі маладымі для маладых.
Барыс Васільеў пайшоў на фронт сямнаццацігадовым дабравольцам – у складзе камсамольскага знішчальнага батальёна. Бачыў вайну у самых страшных яе праявах: абкружэнне, мінныя расцяжкі, кантузія, шпіталь. Можа, таму ў ягоных творах асобныя гісторыі асобных людзей уздымаюцца ў філасофска-мастацкім абагульненні, у папраўдзе гуманістычным пафасе.

Найбольшую вядомасць Васільеў набыў у 1969 годзе пасля публікацыі ў часопісе “Юность” аповесці “А зори здесь тихие…”. Праз год твор быў перанесены на сцэну (у тэатры на Таганцы) і стаў адной з самых вядомых тэатральных пастановак 1970-х. А ў 1972 годзе аповесць была экранізавана Станіславам Растоцкім. Магчыма, менавіта яркая экранізацыя Растоцкага (або сучасны рэмэйк 2015 года) – прычына надзвычайнай папулярнасці аповесці сярод удзельнікаў конкурсу. Васямнаццаць буктрэйлераў было створана, каб прыцягнуць увагу чытачоў менавіта да твора Барыса Васільева. З некаторымі з работ мы пазнаёмім вас сёння.

Хтосьці з удзельнікаў конкурсу паспрабаваў утварыць буктрэйлер паводле канонаў Галівуда – з эпічнай музыкай і спецэфектамі:

Хтосьці, наадварот, вырашыў актыўна задзейнічаць цытаты з кнігі:

Для кагосьці важней за ўсё аказалася зрабіць акцэнт менавіта на процістаянні вопытных нямецкіх дыверсантаў і дзяўчат-зенітчыц і падкрэсліць, наколькі больш цікава чытаць кнігу:

Экранізацыя 1972 года таксама паслужыла крыніцай натхнення для некаторых удзельнікаў. Дынамічная падача інфармацыі, лаканічная форма і стылёвае выкананне сапраўды прыцягваюць увагу:

Такія розныя, усе гэтыя відэа створаныя для адной мэты: пазнаёміць чытача з добрай кнігай. 

Матэрыял падрыхтаваны аддзелам суправаджэння інтэрнэт-партала. 

Навіны

Дызайн выдавецкай маркі Крыстафа Плантэна: погляд праз 500 гадоў

1 Чэр 2020

Сёлета святкуецца 500-годдзе знакамітага выдаўца Крыстафа Плантэна, які заснаваў ў XVI ст. тыпаграфію ў Антверпене і паступова ператварыў яе ў адну з лепшых у Еўропе. Ува многіх музеях і бібліятэках свету запланаваны мерапрыемствы, прымеркаваныя да святкавання юбілею друкара. Каб адзначыць юбілейную дату, Нацыянальная бібліятэка Беларусі таксама падрыхтавала шэраг акцый.

Навіны Нацыянальнай бібліятэкі Беларусі

Да 90-годдзя з дня нараджэння ветэрана Нацыянальнай бібліятэкі Беларусі В.Н. Дышыневіч

31 Май 2020

Валянціна Нікіфараўна Дышыневіч нарадзілася 31 мая 1930 г. у Омску ў сям'і служачага. Скончыўшы 3 класы пачатковай школы, 10-гадовая Валянціна з бацькамі пераехала ў Гродна па месцы працы бацькі (ён быў лекарам).

Партрэты: гісторыя бібліятэкі ў асобах

111 гадоў Віцебскай вучонай архіўнай камісіі

31 Май 2020

31 мая 1909 г. адбылося адкрыццё і першае пасяджэнне Віцебскай вучонай архіўнай камісіі (ВВАК). Яна стала навуковым, культурным, адукацыйным цэнтрам, вакол якога групавалася мясцовая інтэлігенцыя.

Па старонках беларускага календара

Жыццёвая арыфметыка:  апавяданне “Урок арыфметыкі” Вячаслава Адамчыка

1 Чэр 2020

Вячаслаў Адамчык у сваім поўным светлай настальгіі апавяданні расказвае гісторыю першай падлеткавай улюблёнасці – тым больш пранізлівую, што адбываецца ўсё ў “апошні год вайны”. Гэта апавяданне-ўспамін, сумнае і радаснае адначасна, як любы драбок памяці пра незваротнае і няспраўджанае.

Блог прафесійнага чытача

111