ГалоўнаяНавіныБлог прафесійнага чытача
Нацыянальная бібліятэка Беларусі віншуе з Новым годам і Нараджэннем Хрыстовым! (відэа)
Вектар на здароўе: адказваем на выклікі часу

#BelBookChallenge прапануе: антыўтопіі ў беларускіх дэкарацыях

#BelBookChallenge прапануе: антыўтопіі ў беларускіх дэкарацыях
Іншыя навіны

Паліна Доля

#BelBookChallenge працягвае наганяць тэмы кніжных рэкамендацый!

За апошні год свет перажыў нямала хваляванняў – пандэміі, ізаляцыя, катаклізмы... Як тут не ўпасці духам? Прапануем дзейнічаць ад зваротнага і пачытаць кнігі, дзе ўсё яшчэ больш горка і сумна, але людзі ўсё роўна знаходзяць у сабе сілы змагацца з усімі напасцямі. Сённяшняя тэма – антыўтопіі у беларускіх дэкарацыях!

Неруш.jpg “Неруш”, Віктар Казько

Пачнём адразу з незвычайнага і нестандартнага, бо гэты раман закранае тэму, якая часта ўцякае ад пісьменнікаў – экалогію. Герой рамана “Неруш” – Меліяратар Мацвей Роўда. Ён, як і многія, верыў у неабходнасць асушэння балот, верыў, што меліярацыя ператворыць гэты край у квітнеючы куток: на асушаных тарфяніках вырастуць добрыя ўраджаі, людзі стануць багатымі і шчаслівымі. Але рэальнасць апынулася куды больш суровай. Асушаныя землі ператвараюцца ў змярцвелыя пустыні, пашыраюцца з кожным днём, а на месцы былога райскага кутка цяпер выюць жахлівыя тарфяныя смерчы... Вусцішна? Вось і нам таксама. Выдатная кніга.

краина хлудау.jpg “Праўдзівая гісторыя Краіны Хлудаў”, Алег Мінкін

“Праўдзівая гісторыя Краіны Хлудаў” – сапраўдны антыўтапічны калейдаскоп: пад яе вокладкай вас чакае цэлая серыя невялікіх гісторый, якіх аб'ядноўвае месца дзеяння – незвычайна закрыты горад (дакладна не падобны на БССР). У краіне Хлудаў людзі жывуць за такой высокай сцяной, што сонца бачаць некалькі гадзін у дзень нават летам, – горад, нібы вялікі калодзеж. Зрэшты, мала хто абураецца – пытанні тут задаваць не прынята. Тут няма станоўчых герояў, паўсюль спрэчныя тэмы, абыякавасць і шэрая мараль, а злачынствы прыкрываюцца яркімі прагрэсіўнымі лозунгамі. Добрая нагода задумацца над тым, хто мы такія і чаго мы чакаем.

мова бел.jpg “Мова”, Віктар Марціновіч

Вядома, без Марціновіча гэты спіс быў бы непаўнавартасным, таму сёння рэкамендуем да чытання яго “Мову” – амаль лінгвістычны баявік, дзе ўся гісторыя круціцца, уласна кажучы, вакол мовы. Месца дзеяння – Мінск, 4741 год. Эра ўзвышэння Саюзнай дзяржавы Кітая і Расіі, бесклапотнай асалоды і шопінг-рэлігіі. І ў гэтым свеце нешта звыклае нам становіцца сапраўдным наркотыкам, забароненым, жаданым... Вось гэта нешта і перавозіць сентыментальны кантрабандыст Сярожа. Усё, каб разам з таямнічым мінскім падполлем пераадолець сістэму, дзе дабро і зло, любоў і спажыванне памяняліся месцамі. Дык што ж за новы наркотык у беларусаў без Беларусі?

пиявка.jpg “П’яўка”, Юрый Станкевіч

Сачыце за падзеямі: Беларусь, 2050 год. Цэлая серыя тэхнагенных і экалагічных катастроф мяняе свет вакол, а заадно і саміх людзей – рост спадчынных захворванняў, эпідэміі, падзенне нараджальнасці і нязменны рост смяротнасці. І на фоне пастаяннага шоку з’яўляюцца “людзі-цені” – біялагічныя маргіналы, прыземленыя, бесчалавечныя. А астатняе грамадства ім... паддаецца. Што будзе са светам, дзе разумная большасць занадта падатлівая, а меншасць гаворыць толькі на мове сілы? Як змагацца, калі надзеі няма? Змрочная атмасфера, злавесныя карпарацыі, псеўдаэліта і – гісторыя кахання на фоне свету, які гіне. “П’яўка” адназначна вартая вашай увагі.

последняя пастораль.jpg “Апошняя пастараль”, Алесь Адамовіч

У якасці фінальнага акорда Рэкамендуем “Апошнюю пастараль” – вельмі незвычайную фантазію на тэму жыцця пасля атамнай вайны. Ядзерная катастрофа абрывае жыццё чалавецтва амаль імгненна, не паспееш нават азірнуцца. Але тут, на аддаленым востраве, не кранутым радыяцыяй, практычна рай: спакойна, ціха і бяспечна. У гэтым раі аказваюцца трое тых, хто выжыў – рускі афіцэр, амерыканец і дзяўчына з неназванай еўрапейскай краіны. Так гісторыя выжывання ператвараецца ў сапраўднае грэхападзенне…

Якім бы страшным ні здаваўся свет вакол, як не хвалявалі б пандэмія і ізаляцыя, не адмаўляйцеся ад чытання антыўтопій, хай нават і змрочных. Бо ўсё, што не забівае, робіць нас мацнейшымі.

Матэрыял падрыхтаваны аддзелам суправаджэння інтэрнэт-партала.

Навіны

Як падрыхтавацца да сесіі з дапамогай віртуальнай чытальнай залы НББ

15 Сту 2021

З чым у вас асацыюецца студзень? Хтосьці пры згадванні гэтага зімовага месяца адразу адчувае водар ігліцы, цытрусавых і атмасферу яркіх вечарын. А нехта – асабліва ў студэнцкія гады – не можа пазбавіцца думкі, што гэты час – суцэльныя дэдлайны, аўралы і сесія.

Бібліятэка анлайн

Акно ў мінулае: адкрыты доступ да электроннага інфармацыйнага рэсурсу “Станаўленне і развіццё бібліятэк Беларусі: архіўныя дакументы”

15 Сту 2021

Як адбывалася станаўленне беларускіх бібліятэк у першай палове ХХ стагоддзя? Хто мог стаць бібліятэкарам? Што такое чароўны ліхтар? Чаму першы дырэктар Беларускай дзяржаўнай бібліятэкі І.Б. Сіманоўскі прапанаваў паменшыць плошчу, адведзеную пад яго кватэру? Для чаго супрацоўнікі бібліятэкі вызваляліся ад працы на тэрмін да 3 дзён? Адказ на гэтыя і многія іншыя пытанні можна знайсці ў новым рэсурсе Нацыянальнай бібліятэкі Беларусі.

Бібліятэка анлайн

Гісторыя супервокладкі: ад скрынкі да рэкламы мыла і далей

14 Сту 2021

Паглядзім праўдзе ў вочы: выбіраючы кнігу, мы ўсе звяртаем увагу на вокладку. Кніжны дызайн цяпер набірае абароты, бо заўсёды прыемна мець прыгожа аформленую хатнюю бібліятэку. А зараз падумайце: колькі з вашых кніг захавалі супервокладкі? Што адбываецца з імі пасля куплі? Вы пазбаўляецеся ад іх, пакідаючы кнігу ў першапачатковым выглядзе, ці, наадварот, захоўваеце больш маляўнічую абгортку дзеля эстэтыкі?
Мы ўжо разабраліся з тым, чаму кнігі прамавугольнай формы і як яны сталі ўніверсальным падарункам. Самы час узяцца за супервокладку!

Аўтарскі погляд

Сэлфі ў музеі кнігі

15 Сту 2021

У студзені ў розных краінах свету праходзіць акцыя “Сэлфі ў музеі” (Museum Selfie Day), мэта якой – прыцягнуць увагу да музеяў і іх экспанатаў. Менавіта таму кнігазнаўцы Нацыянальнай бібліятэкі Беларусі зрабілі сэлфі на фоне сваіх улюбёных кніжных помнікаў у музеі кнігі.

Навіны Нацыянальнай бібліятэкі Беларусі

Тандэм натхнення

15 Сту 2021

З 15 студзеня па 22 лютага ў зале дакументаў па мастацтве (пам. 306) праходзіць кніжна-ілюстрацыйная выстаўка “Тандэм натхнення”, прысвечаная 90-годдзю з дня нараджэння беларускіх мастакоў Георгія Георгіевіча Паплаўскага (1931–2017) і Наталлі Мікалаеўны Паплаўскай (1931).

Кніжныя выстаўкі

Музей кнігі, дзіцячы пакой і не толькі: незвычайныя паслугі Нацыянальнай бібліятэкі

13 Сту 2021

Нацыянальную бібліятэку па праве называюць захавальніцай ведаў. Сталічная славутасць нікога не пакіне абыякавым: яна прыцягвае незвычайнай формай будынка, ветлівым і прыязным калектывам, значным фондам дакументаў. Здаецца, тут можна праводзіць суткі напралёт: адпраўляцца ў прыгоды разам з галоўнымі героямі кніг, атрымліваць асалоду ад мастацтва і нават пісаць маштабныя навукова-даследчыя работы.

Навіны Нацыянальнай бібліятэкі Беларусі

Бібліятэкарам
111