З пераходам бібліятэк на дыстанцыйную форму абслугоўвання Зводны электронны каталог бібліятэк Беларусі можа стаць цудоўным памочнікам у пошуку і аддаленай працы з фондамі найбуйнейшых бібліятэк краіны.
На сённяшні момант у рэсурсе прадстаўлена інфармацыя аб звыш за 6 млн розных відаў выданняў, уключаючы кнігі (у тым ліку рэдкія і старадрукі), дысертацыі, аўтарэфераты дысертацый, выяўленчыя, картаграфічныя, перыядычныя выданні і інш., якія захоўваюцца ў фондах чатырох найбуйнейшых бібліятэках краіны: Нацыянальнай бібліятэцы Беларусі, Цэнтральнай навуковай бібліятэцы імя Я. Коласа НАН Беларусі, Рэспубліканскай навукова-тэхнічнай бібліятэцы, Прэзідэнцкай бібліятэцы Рэспублікі Беларусь.
Праз каталог карыстальнік можа аддалена аформіць заказ выданняў у той бібліятэцы, чытачом якой ён з’яўляецца, замовіць электронную копію дакумента або яго часткі на свой e-mail з дапамогай сэрвісу “Электронная дастаўка дакументаў”, а таксама атрымаць доступ да лічбавых копій дакументаў, якія захоўваюцца ў фондах Нацыянальнай бібліятэкі Беларусі і Цэнтральнай навуковай бібліятэкі імя Я. Коласа НАН Беларусі і якія з’яўляюцца грамадскім здабыткам.
Запрашаем скарыстацца паслугамі Зводнага электроннага каталога бібліятэк Беларусі.
Матэрыял прадастаўлены аддзелам бібліятэчна-інфармацыйных тэхналогій.
