Чытачы Нацыянальнай бібліятэкі маюць магчымасць дыстанцыйна атрымаць доступ да ліцэнзійных электронных рэсурсаў вядучых выдавецтваў па розных галінах ведаў. Гэта істотна дапаможа ў аддаленай адукацыйнай і навуковай дзейнасці.Лепшыя кнігі па маркетынгу, продажах, менеджменце, лідэрстве, стратэгіі, старце і развіцці бізнесу прадстаўлены ў электроннай калекцыі выдавецтва “Манн, Иванов и Фербер” на платформе электронна-бібліятэчнай сістэмы “Лань”. Кнігі і аўтары выдавецтва не раз станавіліся пераможцамі ў рэйтынгах бізнес-літаратуры.
Да канца чэрвеня ў дыстанцыйным рэжыме можна скарыстацца электроннай бібліятэкай “Grebennikon” – спецыялізаваным рэсурсам па менеджменце, маркетынгу і фінансах. Яна ўключае часопісы і кнігі рускамоўных аўтараў, а таксама перакладныя артыкулы выданняў “Elsevier”, “Emerald”, “Harvard Business Review”, “American Marketing Association” і іншых.
Навучальныя дапаможнікі, манаграфіі і перыядычныя выданні па шырокім спектры эканамічных навук дыстанцыйна даступныя ў адпаведных тэматычных раздзелах электронна-бібліятэчных сістэм “Znanium” і “БиблиоРоссика”.
Каб працаваць з поўнымі тэкстамі электронных выданняў дома, неабходна зарэгістравацца на электронных платформах. Зрабіць гэта вам дапамогуць невялікія інструкцыі:
- Як зарэгістравацца ў ЭБС “Лань”
- Як зарэгістравацца ў ЭБ “Grebennikon”
- Як зарэгістравацца ў ЭБС “Znanium”
- Як зарэгістравацца ў ЭБС “БиблиоРоссика”
Інфармацыя пра ліцэнзійныя электронныя рэсурсы і магчымасці выдаленай працы з імі, рэсурсы адкрытага доступу, а таксама рэсурсы, якія ствараюцца Нацыянальнай бібліятэкай, даступная ў раздзеле “Электронныя інфармацыйныя рэсурсы”.
Зычым плённай вучобы і працы!
Матэрыял прадстаўлены аддзелам карпаратыўнага ўзаемадзеяння.
