2 верасня запрашаем на Вялікі Дзень ведаў з віртуальнай чытальнай залай.
Напярэдадні новага навучальнага года ВЧЗ збірае на віртуальную сустрэчу работнікаў сферы адукацыі нашай краіны: педагогаў, кіраўнікоў, бібліятэкараў сярэдніх школ, гімназій, ліцэяў, каледжаў і ўніверсітэтаў.
Мы прадставім удзельнікам электронныя рэсурсы, якія забяспечваюць адукацыйны працэс неабходнай актуальнай і якаснай інфармацыяй. Гэта базы даных вучэбнай, навуковай, метадычнай і мастацкай літаратуры ад шэрагу вядучых выдавецтваў. Усе рэсурсы прапануюць спецыяльныя сэрвісы для забеспячэння дыстанцыйнай адукацыі і ўкаранення інавацыйных форм навучання.
Мерапрыемства пройдзе ў дыстанцыйным фармаце. Для рэгістрацыі ўдзельнікаў і атрымання даных для аддаленага падлучэння да канферэнцыі неабходна накіраваць запыт на электронны адрас: virt@nlb.by.
Да сустрэчы!
Матэрыял пададзены аддзелам карпаратыўнага ўзаемадзеяння.