Запрашаем пазнаёміцца з відэазапісам дакладаў Х Міжнароднай навукова-практычнай канферэнцыі “Электронная культура” па тэме “Лічбавыя калекцыі ў прасторы культуры”, якая адбылася 10 чэрвеня і была прысвечана 100-годдзю Нацыянальнай бібліятэкі Беларусі.
Запіс мерапрыемства даступны на YouTube-канале бібліятэкі і на старонцы мерапрыемства – Х Міжнародная навукова-практычная канферэнцыя “Электронная культура”.
Матэрыялы сфармаваны па трох частках.
Першая частка – даклады 1-й секцыі, якая праходзіла на пляцоўцы XXVIII Міжнароднай спецыялізаванай выставы “ТІБО-2022”.
Другая – даклады афлайн і трэцяя – дыстанцыйныя выступленні і відэадаклады 2-й секцыі, якая праходзіла на пляцоўцы Нацыянальнай бібліятэкі Беларусі.
Таксама на старонцы канферэнцыі можна пазнаёміцца з выніковым дакументам мерапрыемства.
Дзякуем дакладчыкам і слухачам канферэнцыі за актыўны ўдзел, нагадваем аб магчымасці падаць свае даклады для публікацыі ў прафесійных часопісах НББ: навукова-практычным зборніку “Бібліятэчны веснік” (палажэнне аб зборніку) і часопісе “Бібліятэчны свет”.
Матэрыял пададзены інфармацыйна-аналітычным аддзелам.
