ГалоўнаяНавіныБібліятэка анлайн
Што лiтаратурны музей Петруся Броўкi паказаў на вiртуальнай “Ночы музеяў”?
“Бібліятэка анлайн” – усё, што трэба ведаць чытачам “на аддаленцы”

Відэаархіў найноўшых даследаванняў, прысвечаных Жыровічам і беларускай кніжнасці

Відэаархіў найноўшых даследаванняў, прысвечаных Жыровічам і беларускай кніжнасці
Іншыя навіны

Нацыянальная бібліятэка Беларусі адмыслова да 500-годдзя Жыровіцкага манастыра, якое адзначаецца сёння, адкрыла доступ да відэаархіва найноўшых даследаванняў, прысвечаных Жыровічам і беларускай кніжнасці.

20 мая адзначаецца свята Жыровіцкай цудатворнай іконы Багародзіцы. Сёлета спаўняецца 550 гадоў з часу цудоўнага з’яўлення знакамітай іконы і 500 гадоў з часу заснавання Жыровіцкага манастыра. І хаця асноўныя ўрачыстасці ў Жыровічах пакуль адкладзены, Нацыянальная бібліятэка Беларусі адмыслова да юбілею падрыхтавала свой падарунак.

Менавіта сёння для ўсіх ахвотных адкрыты анлайн-доступ да відэаархіва, які ўключае відэазапісы выступленняў вядомых айчынных і замежных навукоўцаў, іх прэзентацыі, даклады, фотадакументы і іншыя каштоўныя матэрыялы, якія раскрываюць невядомыя раней старонкі нашай агульнай мінуўшчыны.

Асновай для відэаархіву паслужылі матэрыялы ХVІ Міжнародных кнігазнаўчых чытанняў, прысвечаных 500-годдзю заснавання Жыровіцкага манастыра і бібліятэкі. Навуковы форум адбыўся 15 мая 2020 г. у фармаце відэаканферэнцыі ў рэжыме рэальнага часу з магчымасцю шырокай камунікацыі.

Сімвалічна, што сёлета Кнігазнаўчыя чытанні былі прысвечаны 500-годдзю заснавання славутага Жыровіцкага манастыра і бібліятэкі. Манастыры з даўніх часоў былі цэнтрамі культуры і кніжнасці – тут перапісваліся і друкаваліся кнігі, адкрываліся першыя бібліятэкі і школы. На працягу пяці стагоддзяў у Жыровіцкім манастыры ствараліся і захоўваліся лепшыя ўзоры кніжнай, мастацкай, музычнай культуры нашага народа, інтэлектуальныя помнікі, дзейнічалі навучальныя ўстановы для свецкіх і духоўных асоб.

Відэаархіў даступны на Youtube-канале і яшчэ будзе папаўняцца.

Матэрыял прадастаўлены навукова-даследчым аддзелам кнігазнаўства.

Навіны

Усё не так, як у кнізе! Што не так з экранізацыямі і дзе ў бібліятэцы глядзець кіно

27 Кас 2020

У сучасным кінематографе ўсё менш арыгінальных сцэнарыяў, а экранізацый папулярных кніг – усё больш. Але на самой справе не ўсе з іх удалыя – прынамсі, на наш густ. Што ж не так з экранізацыямі? І чаму мы амаль заўсёды імі незадаволены? Працягнем гутарку пра мастацтва адаптацыі кніжных твораў!

Аўтарскі погляд

Удзельнікам анлайн-конкурсу чытальнікаў “О, Беларусь, мая шыпшына”

27 Кас 2020

З 1 кастрычніка ў межах віртуальнага праекта “На хвалі часу, у плыні жыцця” быў распачаты анлайн-конкурс чытальнікаў, прымеркаваны да 120-годдзя Уладзіміра Дубоўкі. Арганізатарам выступіла Нацыянальная бібліятэка Беларусі сумесна з інфармацыйнымі партнёрамі – часопісамі “Маладосць” і “Бярозка”.

Навіны Нацыянальнай бібліятэкі Беларусі

Размова з адвакатам аб куплі-продажы нерухомасці

26 Кас 2020

23 кастрычніка Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Купля-продаж нерухомасці: як зрабіць правільна”.

Навіны Нацыянальнай бібліятэкі Беларусі

26 Кас 2020

“На хвалі часу, у плыні жыцця” – праект Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва, часопіса “Маладосць”.

Навіны бібліятэк

111