12 кастрычніка ў бібліятэцы прайшоў вэбінар, прысвечаны методыцы і тэхналогіі каталагізацыі дакументаў у рэгіянальных зводных электронных каталогах (РЗЭК).
На мерапрыемстве разглядаліся пытанні фарміравання бібліяграфічных запісаў у фармаце BELMARC, уключаючы стварэнне аўтарытэтных пунктаў доступу і індэксаў класіфікацый, на дакументы, якія паступаюць у фонды бібліятэк – удзельніц РЗЭК. Спецыялісты НББ адказалі на пытанні, звязаныя са стварэннем рэтраспектыўных бібліяграфічных запісаў у ЗЭК.
У вэбінары ўзялі ўдзел 67 спецыялістаў з больш чым 50 бібліятэк Брэсцкай, Віцебскай, Гомельскай, Гродзенскай, Мінскай і Магілёўскай абласцей.
Дзякуй усім бібліятэкам за актыўную працу ў навучальным семінары!
Матэрыял пададзены аддзелам бібліятэчна-інфармацыйных тэхналогій.