2, 4 і 9 лютага ў бібліятэцы адбылася серыя анлайн-мерапрыемстваў па прэзентацыі новага электроннага рэсурсу – інфармацыйнай прававой сістэмы Ilex.
На платформе Ilex прадстаўлены поўныя тэксты ўсіх нарматыўных прававых актаў Рэспублікі Беларусь, якія паступаюць з Нацыянальнага цэнтра прававой інфармацыі, і апошніх змяненняў у іх, а таксама актуальная інфармацыя аб правапрымяняльнай практыцы; аналітычныя матэрыялы; карысная даведачная інфармацыя; формы дакументаў, неабходныя для ажыццяўлення прафесійнай дзейнасці бухгалтараў, работнікаў кадравых службаў, юрыстаў, спецыялістаў па закупках і ахове працы.
Доступ да інфармацыйнай прававой сістэмы Ilex адкрыты ў нашых чытальных залах.
Матэрыял падрыхтаваны аддзелам карпаратыўнага ўзаемадзеяння.
