ГалоўнаяНавіныАўтарскі погляд
З невядомасці: Янка Купала ў ЗША
Гісторыя належыць не толькі мужчынам

Беларускі фальклор і “Век людзей”

Беларускі фальклор і “Век людзей”
Іншыя навіны

З красавіка 2019 года ў літаратурным часопісе “Маладосць” друкуецца фэнтэзійны раман “Век людзей” супрацоўніцы аддзела суправаджэння інтэрнэт-партала НББ Маргарыты Латышкевіч.

12.08.2020_Latyshkevich5.jpg

Ці варта сёння пісаць фантастыку і дзе карані “Века”? Аўтарка, якая вядзе на партале НББ чытацкі блог, распавяла пра свой вопыт напісання вялікай прозы.

– Сетынг рамана пачаўся з цэлага шэрагу фэнтэзійных аповесцей, – каментуе пісьменніца. – Большасць з іх друкаваліся ў беларускай перыёдыцы – часопісах “Бярозка”, “Полымя”, “Маладосць”. Некаторыя творы ўвайшлі ў зборнік прозы “Наш дом”, які выйшаў у 2016 годзе (выдавецтва “Мастацкая літаратура”), аповесць жа “Вараціш-гара” займела электронную публікацыю дзякуючы выдавецтву “Янушкевіч”.

Раман “Век людзей”, напісаны вясною-летам 2019 года, – спроба скарыстаць з ведаў па фальклоры, назапашаных за час працы над дысертацыяй. Я шчыра люблю беларускі фальклор, ён у нас сапраўды самавіты, багаты вобразнасцю. І таму хочацца дзяліцца гэтай любоўю з іншымі, паказаць, што ў нас, беларусаў, неймаверна прыгожая і старажытная спадчына, якой варта ганарыцца.

Фэнтэзі лічыцца забаўляльным жанрам, але гэта не значыць, што праз такую форму нельга гаварыць пра досыць сур’ёзныя, важныя рэчы. Наадварот, прыцягальная “абгортка” дазваляе зацікавіць чытача, уцягнуць яго ў гульню з тэкстам. А пасля падкінуць нагодаў для роздуму. Гэта ўжо нешта, мне падаецца.

Цікава, што публікацыя рамана амаль адразу займела і візуалізацыю – дзякуючы маладой беларускай мастачцы Валерыі Дзятковай, якая працуе пад псеўданімам “Бестрамвайнасць” (яе ілюстрацый выкарыстаны ў артыкуле). Атмасферныя і вельмі стылёвыя, малюнкі арганічна дапаўняюць тэкст у кожным нумары часопіса.

12.08.2020_Latyshkevich1.jpg

Нагадаем, што нядаўна адна з фэнтэзійных аповесцей Маргарыты ў перакладзе на рускую мову прайшла паўфінальны адбор прэстыжнай расійскай кніжнай прэміі “Кнігуру”. Аповесць называецца “Лісіны пярсцёнак”. У ёй, выкарыстоўваючы сюжэты народных казак, аўтарка распавядае пра сталенне юнага музыкі ў свеце, поўным чараў і цудаў. Зазначым, што беларускамоўны арыгінал быў раней апублікаваны ў часопісе “Полымя” (№ 12 за 2019 год).

Матэрыял пададзены аддзелам суправаджэння інтэрнэт-партала.

Навіны

У бібліятэцы прайшоў творчы вечар Пятра Краўчанкі

28 Вер 2020

25 верасня ў Нацыянальнай бібліятэцы Беларусі прайшоў творчы вечар “З Беларуссю ў сэрцы: людзі, гады, жыццё” Пятра Кузьміча Краўчанкі, вядомага беларускага палітыка і дыпламата.

Навіны Нацыянальнай бібліятэкі Беларусі

Навучым шукаць інфармацыю

28 Вер 2020

Пачынаецца новы навучальны год. Для навучання пошуку інфармацыі і адаптацыі да ўмоў працы ў нашым будынку бібліятэка па папярэдніх заяўках праводзіць бясплатныя групавыя заняткі. На занятках можна навучыцца карыстацца разнастайнымі рэсурсамі Нацыянальнай бібліятэкі Беларусі – ад простага пошуку ў электронным каталогу да працы з базамі даных і Інтэрнэт.

Навіны Нацыянальнай бібліятэкі Беларусі

25 Вер 2020

На гэтым тыдні споўнілася сто гадоў з дня заснавання дома-музея Адама Міцкевіча ў Навагрудку. Аб тым, чаму гэтая сядзіба можа прэтэндаваць на званне найстарэйшай культурнай установы ў Беларусі, і чым сёння жыве колішняя калыска класіка, распавядае “Культура”.

Навіны бібліятэк

Беларускія кнігі перададзены ў Эстонію

24 Вер 2020

У рамках дабрачыннай акцыі “Пра Беларусь – беларусам замежжа” пры дапамозе Пасольства Рэспублікі Беларусь у Рэспубліцы Эстонія нацыянальна-культурным аб’яднанням гэтай краіны перададзена ў дар больш за 150 асобнікаў беларускіх выданняў.

Навіны Нацыянальнай бібліятэкі Беларусі

Размова з адвакатам аб ільготах і дапамозе маладым і шматдзетным сем’ям

23 Вер 2020

20 верасня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Маладыя і шматдзетныя сем’і: ільготы і дапамога”.

Навіны Нацыянальнай бібліятэкі Беларусі

111