15 сакавіка дзіцячы пакой запрашае дзяцей 5–10 гадоў на творчыя заняткі “Дождж з сэрцаў”, на якіх дзеці створаць аб’ёмны выраб у змешанай тэхніцы.

Напярэдадні свята вясны ўдзельнікі зробяць прыгожую паштоўку з аб’ёмным букетам кветак. З каляровай і гафрыраванай паперы яны скачаюць невялікія шарыкі і прылепяць іх на белую аснову вырабу. Для надання аб’ёму намалююць галінкі з лісточкамі. Гатовы букецік змесцяць ва ўпакоўку, зробленую з дэкаратыўнай паперы цішшу, упрыгожыўшы яе банцікам і сэрцайкам.

На занятках дзеці адгадаюць загадкі пра прыроду і прыродныя з’явы і паслухаюць казку Наталлі Абрамцавай “Дождик”.

Наведванне мерапрыемства платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.

Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.

Матэрыял пададзены аддзелам запісу і інфармавання карыстальнікаў.