Разам са стылістам і дызайнерам адзення Ірынай Крошнер мы прасочым, як фарміраваўся візантыйскі касцюм, вывучым усходнія ўзоры і малюнкі, якімі дапоўнілася рымскае адзенне візантыйскага перыяду. Таксама даведаемся аб разнастайнасці сімволікі ў аздабленні касцюма візантыйцаў, на вонкавае аблічча якіх вялікі ўплыў аказаў хрысціянскі светапогляд.

Нас чакае знаёмства з канонамі прыгажосці, якія панавалі ў тыя часы і ўздзейнічалі на мастацкую свядомасць і лад жыцця людзей.

Канец сярэднявечча – гэта цудоўныя саборы і рамантычныя замкі, рэлігійны запал, крыжовыя паходы, рыцарства, вытанчанае каханне і людзі ў пышнай вопратцы са шлейфамі, чыя грацыёзнасць пераклікаецца з архітэктурным стылем – готыкай. Змены, якія адбываліся ў грамадстве, не маглі не адбіцца на адзенні таго перыяду.

На сустрэчы мы даведаемся, як пад уплывам гатычнага мастацтва і архітэктуры, рэлігійных намераў, развіцця гандлю і стварэння прафесійных гільдый мяняецца касцюм.

Цікава будзе паслухаць аб развіцці кравецкага майстэрства і ўзнікненні першых швейных тэхнік.

Запрашаем усіх працягнуць знаёмства з асноўнымі этапамі развіцця еўрапейскага касцюма ў гістарычным і сацыяльным кантэксце.

Уваход – па чытацкім білеце або білеце сацыякультурнага цэнтра.
Папярэдні запіс па тэлефоне: (8 017) 293 27 53.
Мы ў Instagram.

Матэрыял пададзены аддзелам абслугоўвання спецыялізаванымі фондамі.