Дата правядзення
Час правядзення
Месца правядзення
5 верасня а 14-й гадзіне ў атрыуме 2-га паверха бібліятэкі ў рамках Тыдня спорту і здароўя адбудзецца прэзентацыя выдання “От Брестской крепости к олимпийской вершине”.
У ім змешчаны ўспаміны першага ў гісторыі беларускага спорту алімпійскага чэмпіёна Сяргея Лаўрэнцьевіча Макаранкі пра жыццёвы шлях, партнёра, разам з якім ён заваяваў золата на Алімпійскіх гульнях у Рыме ў 1960 годзе, аб развіцці веславання на байдарках і каноэ ў нашай краіне.
Кніга выдадзена пры фінансавай падтрымцы Нацыянальнага алімпійскага камітэта Рэспублікі Беларусь. Запісаў і па-мастацку аздобіў успаміны спартсмена яго сябар, пісьменнік-журналіст Іван Іванавіч Кахновіч.
Мерапрыемства ладзіцца з мэтай прапаганды здаровага, фізічна актыўнага ладу жыцця сярод навучэнцаў і студэнтаў, далучэння іх да сістэматычных заняткаў фізічнай культурай і спортам, папулярызацыі алімпійскіх відаў спорту ва ўстановах вышэйшай, агульнай сярэдняй, дадатковай адукацыі дзяцей і моладзі, а таксама прафесійна-тэхнічнай і сярэдняй спецыяльнай адукацыі.
Падчас прэзентацыі адбудзецца аўтограф-сесія з аўтарам –алімпійскім чэмпіёнам па веславанні на каноэ-двойцы Сяргеем Макаранкам.
Арганізатары: Міністэрства адукацыі Рэспублікі Беларусь, установа “Рэспубліканскі цэнтр фізічнага выхавання навучэнцаў і студэнтаў”, Нацыянальны алімпійскі камітэт Рэспублікі Беларусь, Беларуская алімпійская акадэмія, Нацыянальная бібліятэка Беларусі.
Матэрыял пададзены аддзелам сувязей з грамадскасцю.
Чытайце таксама, як прайшла прэзентацыя.
