Дата правядзення
Час правядзення
Месца правядзення
14 лістапада адбылося адкрыццё першай кніжна-дакументальнай выстаўкі з цыкла “Зара вызвалення займаецца над Беларуссю”, прымеркаванага да 80-годдзя вызвалення краіны ад нямецка-фашысцкіх захопнікаў.
Мэта сумеснага праекта Нацыянальнай бібліятэкі Беларусі і Нацыянальнага архіва Рэспублікі Беларусь – паказ хронікі вызвалення, важнасці гэтай падзеі для беларускага насельніцтва, фарміраванне гістарычнай свядомасці і выхаванне патрыятызму ў сучаснікаў.
У першай частцы маштабнай экспазіцыі раскрыта тэма вызвалення нашай краіны ад нямецка-фашысцкіх захопнікаў з верасня па снежань 1943 года, паказаны погляд на падзеі сучасных беларускіх і расійскіх гісторыкаў, журналістаў, навуковых супрацоўнікаў музеяў і архіваў Беларусі і Расіі.
У мерапрыемстве ўзялі ўдзел гісторыкі, архівісты, прагучаць паэтычныя радкі з твораў беларускіх паэтаў.
Выстаўка працуе ў кальцавой галерэі 3-га паверха да 31 снежня 2024 года.
Дата яе заканчэння можа быць зменена.
Уваход – па чытацкім білеце або білеце сацыякультурнага цэнтра.
Час работы выстаўкі адпавядае рэжыму работы бібліятэкі.
Тэлефон для даведак: (8 017) 368 37 37.
Матэрыял падрыхтаваны аддзелам сувязей з грамадскасцю.
