Дата правядзення
Час правядзення
Месца правядзення
3 чэрвеня дзіцячы пакой запрашае дзяцей 5–10 гадоў на творчыя заняткі “Буслік у буслянцы”.
З даўніх часоў людзі цёпла і паважліва ставяцца да буслоў і лічаць гэтых грацыёзных птушак сімвалам шчаслівага сямейнага жыцця і дабрабыту.
Для стварэння аплікацыі ў змешанай тэхніцы дзеці пафарбуюць зялёнай і блакітнай фарбай кардонны ліст і прымацуюць на ім буслянку з сапраўдных галінак і тонкіх пластылінавых жгуцікаў. Фігурку бусла выражуць з паперы, пушыстае крыльца – з ватнага дыска. Усе дэталі злучаць у прыгожую кампазіцыю, наклеіўшы іх на падрыхтаваную маляўнічую аснову.
Дзеці даведаюцца, у якой краіне жыве больш за ўсё белых буслоў, чым яны харчуюцца і кантактуюць паміж сабой.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
