Дата правядзення
Час правядзення
Месца правядзення
27 красавіка ў галерэі “Мабільная” (3-ці паверх, кальцавы калідор) адкрылася выстаўка жывапісу і графікі вучняў Гімназіі-каледжа мастацтваў імя І.В. Ахрэмчыка да 120-годдзя з дня нараджэння мастака.
Рэтраспектыўная выстаўка “Прысвячэнне майстру” знаёміць гасцей з прыкладамі і вынікамі пошуку і станаўлення мастацкага амплуа вучняў гімназіі-каледжа 1970-х–2020-х гг. У экспазіцыі прадстаўлены жывапісныя работы студэнтаў, курсавыя і дыпломныя, прысвечаныя самым разнастайным тэмам – навучанню, пошуку прызначэння, успрыняццю рэчаіснасці, жыццю, гісторыі і культуры Беларусі.
Іван Ахрэмчык – знакавая асоба для беларускай мастацкай адукацыі, прафесар, выкладчык шэрагу мастацкіх устаноў, настаўнік вучняў, якія ў далейшым сталі знакамітымі мастакамі. Ён, яго вучні і прыхільнікі падрыхтавалі не адно пакаленне адказных педагогаў, верных класічнай школе беларускага жывапісу. Дзякуючы ім адораныя дзеці з усіх куткоў Беларусі здзяйсняюць свае першыя крокі ў творчасці.
Экспазіцыя “Прысвячэнне майстру” сведчыць аб тым, што юныя мастакі захоўваюць класічныя падыходы і разам з тым адпавядаюць сучасным тэндэнцыям у жывапісе і выяўленчым мастацтве, а значыць – справа Івана Восіпавіча Ахрэмчыка і памяць аб ім жывуць і сёння.
Выстаўка будзе працаваць да 17 кастрычніка 2023 года.
Дата заканчэння яе працы можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 368 37 37.
Матэрыял пададзены аддзелам сувязей з грамадскасцю.