Героі кніжнай краіны

З 6 красавіка ў музеі кнігі (пам. 347) арганізавана выстава “Героі кніжнай краіны”.

2 красавіка адзначаецца Міжнародны дзень дзіцячай кнігі, прымеркаваны да дня нараджэння вялікага дацкага пісьменніка і казачніка Ханса Крысціяна Андэрсана (1805–1875). Музей кнігі запрашае на сустрэчу з любімымі героямі легендарных твораў для дзяцей.

У экспазіцыі прадстаўлены самыя раннія выданні твораў сусветна вядомых аўтараў, такіх як сам Х.К. Андэрсан, браты Грым, Ш. Перо, Д. Дэфо, Дж. Свіфт, А. Пушкін, М. Лермантаў, М. Гогаль, П. Яршоў, С. Маршак, К. Чукоўскі, А. Купрын, А. Талстой, М. Горкі, В. Біянкі і іншыя, а таксама іх пераклады на беларускую мову.

Асобны раздзел пазнаёміць з аўтарскімі творамі беларускіх пісьменнікаў і паэтаў. Сярод іх – любімыя творы для дзяцей класікаў нацыянальнай літаратуры Янкі Купалы, Якуба Коласа, Цёткі, зборнікі юбіляраў гэтага года К. Буйло, Янкі Маўра, Э. Агняцвет, а таксама яркія творы такіх вядомых беларускіх аўтараў, як А. Якімовіч, В. Вітка, М. Лынькоў і інш.

Экспазіцыя адлюстроўвае гісторыю развіцця сусветнай і беларускай дзіцячай мастацкай кнігі на працягу некалькіх стагоддзяў. Многія з экспануемых экзэмпляраў дэманструюцца шырокай аўдыторыі ўпершыню.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 293 27 81, (8 017) 293 27 22.