Дата правядзення
Час правядзення
Месца правядзення
4 сакавіка дзіцячы пакой запрашае дзяцей 5–10 гадоў на творчыя заняткі ў тэхніцы аб’ёмнай аплікацыі “Вясновы букет”.
На занятках дзеці пазнаёмяцца з кволай і духмянай раслінай – мімозай, галінкі якой абсыпаны ярка-жоўтымі суквеццямі.
Каб зрабіць прыгожую паштоўку з папяровымі кветкамі мімозы, дзеці скачаюць невялікія шарыкі з жоўтай сурвэткі і прыклеяць іх на аснову з чырвонай аксамітнай паперы. Для надання аб’ёму надрэжуць па краях зялёныя лісцікі з гафрыраванай паперы і ўпрыгожаць ўвесь букецік банцікам з атласнай стужачкі.
Арыгінальная паштоўка з яркай і пушыстай галінкай мімозы – выдатны падарунак, зроблены сваімі рукамі!
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Час правядзення мерапрыемства: 15.00–16.00.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.