Дата правядзення
Час правядзення
Месца правядзення
25 лютага дзіцячы пакой запрашае дзяцей 5–10 гадоў на творчыя заняткі ў тэхніцы накладной аплікацыі “Звярок у норцы”.
Заснежаны лес казачна прыгожы і тоіць шмат сакрэтаў. Дзецям трэба будзе разгадаць адну лясную таямніцу і даведацца, хто хаваецца ў цёмнай норцы.
Арыгінальны выраб яны створаць з аркуша звычайнай белай паперы і чорнага кардону. Выкарыстоўваючы шаблоны, выражуць элементы ў форме дрэў і норкі звярка. Фламастарамі і гуашшу намалююць сняжынкі і сляды маленькага таямнічага звера.
Хлопчыкі і дзяўчынкі паслухаюць казку Валерыя Кастручына “Кто где живёт?” і пагуляюць у гульню “Казачныя домікі”.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Час правядзення мерапрыемства: 15.00–16.00.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.