Дата правядзення
Час правядзення
Месца правядзення
17 студзеня а 16-й гадзіне ў галерэі “Лабірынт” (3-ці паверх) ладзіцца творчы вечар беларускага пісьменніка, заслужанага дзеяча культуры Рэспублікі Беларусь Навума Гальпяровіча з нагоды яго 75-гадовага юбілею.
Навум Якаўлевіч Гальпяровіч – вядомы паэт, публіцыст, тэлевядучы і радыёжурналіст. У сваіх аўтарскіх праграмах ён уздымае актуальныя пытанні культуры і гісторыі Беларусі, сустракаецца са знакамітымі грамадскімі і культурнымі дзеячамі краіны.
На творчым рахунку пісьменніка больш за 10 кніг паэзіі і прозы. Н. Гальпяровіч – аўтар і ўкладальнік турыстычных пуцяводнікаў па Беларусі. Вершы паэта пакладзены на музыку вядомымі беларускімі кампазітарамі – Э. Зарыцкім, У. Буднікам, А. Елісеенкавым, В. Івановым і інш.
У мерапрыемстве прымуць удзел вядомыя беларускія тэле- і радыёвядучыя, прагучаць запісы песень на словы паэта. Удзельнікам творчага вечара прадставіцца магчымасць пагутарыць з пісьменнікам, задаць пытанні пра яго творчасць.
На мерапрыемства ўваход вольны.
Тэлефон для даведак: (8 017) 368 37 37.
Матэрыял пададзены аддзелам сувязей з грамадскасцю.
