Дата правядзення
Час правядзення
Месца правядзення
Кошт наведвання
17 снежня ў музеі кнігі для дзяцей 8–12 гадоў ладзяцца музейныя заняткі “Свята Божага Нараджэння ў старадруках”.
Старадрукаваная кніга – сапраўдны шэдэўр кніжнай спадчыны. Над яе мастацкім афармленнем працавалі таленавітыя друкары. У старадруках з’явіўся новы від мастацкай творчасці – гравюра (спачатку – ксілаграфія, а пазней – металаграфія).
У XVII–XVIII стст. на славянскіх землях была распаўсюджана гравюра з рэлігійнымі сюжэтамі, якія сустракаюцца ў евангеллях, анфалагіёнах, службоўніках і малітоўніках.
У кожнага наведвальніка творчай сустрэчы будзе магчымасць:
- пазнаёміцца з традыцыямі свята Божага Нараджэння на Беларусі;
- убачыць богаслужбовыя кнігі XVII–XVIII стст. з гравюрамі на тэму Нараджэння Хрыста;
- стварыць віншавальную паштоўку сваімі рукамі.
А таксама атрымаць вялікае задавальненне ад пазнання новага і цікавага.
Кошт: 4.50 руб. (дарослыя суправаджаюць дзяцей бясплатна).
Колькасць удзельнікаў абмежаваная.
Папярэдні запіс па тэлефонах: (8 017) 293 27 82, (8 029) 18 18 451.
Электронная пошта: tatsianazablotskaya@gmail.com
Кантактная асоба: Заблоцкая Таццяна.
Матэрыял пададзены навукова-даследчым аддзелам кнігазнаўства.