ГалоўнаяМерапрыемствыЧалавек – аркестр
Курс "Камп'ютар з нуля"
Мастацтва думкі

Чалавек – аркестр

Чалавек – аркестр
Іншыя мерапрыемствы
22 верасня – 21 лістапада
Дата правядзення
10.00–21.00
Час правядзення
пам. 305
Месца правядзення

З 22 верасня па 21 лістапада ў зале нотных і аўдыявізуальных дакументаў (пам. 305) праходзіць выстаўка “Чалавек – аркестр”, прысвечаная 75-годдзю народнага артыста Беларусі, дырыжора Аляксандра Міхайлавіча Анісімава.

Аляксандр Анісімаў – адзін з самых запатрабаваных дырыжораў Беларусі. З 2001 года ён узначальвае Дзяржаўны сімфанічны аркестр Рэспублікі Беларусь, а таксама пастаянна выступае з сімфанічнымі і опернымі калектывамі Заходняй Еўропы, Расіі і Амерыкі.

За гады творчай дзейнасці ў Беларускай дзяржаўнай філармоніі і ў Вялікім тэатры Беларусі Аляксандр Анісімаў правёў важкую працу па папулярызацыі музыкі сучасных беларускіх кампазітараў. Яго калектыў быў першым выканаўцам многіх твораў Я. Глебава, Д. Смольскага, С. Картэса, Г. Гарэлавай і інш.

Anisimau-1.jpg

Пад кіраўніцтвам А. Анісімава аркестр актыўна знаходзіць новыя шляхі і формы канцэртнай дзейнасці: сімфанічныя цыклы “Класіка для ўсіх”, “Краіна Сімфонія” і “Уваскрасенне класікі” карыстаюцца вялікай папулярнасцю ў беларускай публікі, а замежныя партнёры адзначаюць высокі прафесіяналізм аркестра, яго шырокі і разнапланавы рэпертуар, артыстызм выканання і мабільнасць.

У 2021 годзе маэстра Аляксандр Анісімаў быў удастоены спецыяльнай прэміі Прэзідэнта Рэспублікі Беларусь “за значны асабісты ўклад ва ўмацаванне міру і згоды ў грамадстве праз музыку, за рэалізацыю буйных рэспубліканскіх і міжнародных творчых праектаў”.

Асноўную частку экспазіцыі складаюць шматлікія артыкулы і інтэрв’ю Аляксандра Міхайлавіча, апублікаваныя ў перыядычных выданнях. У дадатак да іх прыкладаюцца фотаматэрыялы, а таксама аўдыя - і відэазапісы з выступленнямі дырыжора і яго аркестра.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял пададзены аддзелам абслугоўвання спецыялізаванымі фондамі.

Мерапрыемствы

Жывая стыхія творчасці

01.10.2022

З 1 кастрычніка па 3 лістапада ў зале беларускай літаратуры (пам. 205) праходзіць выстаўка “Жывая стыхія творчасці”, прымеркаваная да 90-годдзя з дня нараджэння беларускага пісьменніка Івана Мікалаевіча Пташнікава (1932–2016).

Пад знакам крылатага змея

30.09.2022

З 30 верасня па 7 лістапада ў зале дакументаў па мастацтве (пам. 306) праходзіць кніжна-ілюстрацыйная выстава “Пад знакам крылатага змея”, прысвечаная 550-годдзю з дня нараджэння Лукаса Кранаха Старэйшага (1472–1553).

Адваротны бок прыгажосці

05.09.2022

З 5 верасня па 24 кастрычніка ў зале перыядычных выданняў (пам. 106) праходзіць тэматычная выстава “Адваротны бок прыгажосці”.

Мастацтва думкі

22.09.2022

З 22 верасня па 21 лістапада ў зале нотных і аўдыявізуальных дакументаў (пам. 305) праходзіць юбілейная выстава “Мастацтва думкі”, прысвечаная 75-годдзю беларускага балетмайстра і харэографа Валянціна Мікалаевіча Елізар’ева.

Турызм у XXI стагоддзі

21.09.2022

З 21 верасня па 19 кастрычніка ў аддзеле абслугоўвання афіцыйнымі дакументамі (пам. 207) адкрыта кніжная выстава “Турызм у XXI стагоддзі”, прысвечаная Сусветнаму дню турызму.

Жыццё ў паэзіі

14.09.2022

З 14 верасня па 14 лістапада ў кальцавой галерэі 2-га паверха праходзіць выстава “Жыццё ў паэзіі”, прымеркаваная да 110-годдзя з дня нараджэння Максіма Танка і Дня народнага адзінства.



Бібліятэкарам