ГалоўнаяМерапрыемствыЖыццё ў паэзіі
Цыкл канцэртаў-лекцый “Прагулкі скрозь стагоддзі”
Нацыянальная бібліятэка Беларусі: учора, сёння, заўтра

Жыццё ў паэзіі

Жыццё ў паэзіі
Іншыя мерапрыемствы
14 верасня – 14 лістапада
Дата правядзення
10.00–21.00
Час правядзення
кальцавы калідор (2-гі паверх)
Месца правядзення

З 14 верасня па 14 лістапада ў кальцавой галерэі 2-га паверха праходзіць выстава “Жыццё ў паэзіі”, прымеркаваная да 110-годдзя з дня нараджэння Максіма Танка і Дня народнага адзінства.

Максім Танк – паэт-патрыёт, паэт-сатырык, паэт-філосаф, паэт-наватар, знакавая постаць у гісторыі беларускай літаратуры і адзін з лепшых майстроў паэтычнага слова ў галіне вершаванай формы. Да творчай сталасці паэт ішоў праз грунтоўнае авалоданне нацыянальнымі духоўнымі скарбамі, засваенне мастацкіх дасягненняў сусветнай літаратуры і развіццё іх на нацыянальным матэрыяле, няспынны пошук, удасканаленне майстэрства.

Краіна паэзіі Максіма Танка надзвычай вялікая і цікавая. Яе перасякаюць амаль усе мерыдыяны зямнога шара, на скрыжаваннях яе дарог узвышаюцца сотні гарадоў і вёсак, яна населена людзьмі самых розных нацый і народнасцей. Усё хвалюе паэта: родныя краявіды і праблема чалавечага існавання, “панарама бітвы за хлеб” і згадкі мінулых бітваў з фашызмам, пачуццё кахання і трагедыя Чылі. У тэматычнай разнастайнасці паэзіі Максіма Танка дамінуе тэма Радзімы, роднага краю, бацькаўшчыны.

M_Tank-6.JPG

Асноўнымі экспанатамі на выставе з’яўляюцца прыжыццёвыя выданні народнага паэта Беларусі: паэтычныя зборнікі, уключаючы самыя першыя "На этапах” (1936), “Журавінавы цвет” (1937), а таксама асобна выдадзеныя паэмы “Нарач”, “Янук Сяліба”. Прадстаўлены ў экспазіцыі і першыя выданні паэтычных зборнікаў для дзяцей, казак і поўныя зборы твораў.

Да адметнасцей выставы варта аднесці паэтычны зборнік “Мой каўчэг” (1994) з аўтографам Максіма Танка, заходнебеларускі часопіс “Снапок” (1937) з першымі вершамі, напісанымі паэтам для дзяцей, фотаальбом “Максім Танк”, падрыхтаваны Цэнтрам даследаванняў беларускай культуры, мовы і літаратурыі і Інстытутам літаратуразнаўства імя Я. Купалы НАН Беларусі, – уладальнік дыплома ІІ ступені ў намінацыі “Фотапогляд” Нацыянальнага конкурсу “Мастацтва кнігі”.

Творы Максіма Танка перакладзены на многія мовы народаў свету. На выставе можна ўбачыць выданні на рускай, англійскай, латышскай, кітайскай, эстонскай, чэшскай, польскай, чэчэнскай мовах.

Таксама прадстаўлены юбілейныя навуковыя выданні апошніх 10 гадоў. Сярод іх – “Максім Танк і польская літаратура” (аўтар А. Верабей, 2012), “Максім Танк. Талент, заручаны з небам” (аўтар М. Мікуліч, 2012).

Творчасць Максіма Танка з’яўляецца сучаснай беларускай літаратурнай класікай, а сам ён уваходзіць у лік вядомых еўрапейскіх паэтаў. Яго імя прысвоена ўстановам адукацыі і культуры, а яго словы яшчэ шмат стагоддзяў будуць гучаць як на прасторах нашай краіны, так і далёка за яе межамі.


Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Мерапрыемствы

Жывая стыхія творчасці

01.10.2022

З 1 кастрычніка па 3 лістапада ў зале беларускай літаратуры (пам. 205) праходзіць выстаўка “Жывая стыхія творчасці”, прымеркаваная да 90-годдзя з дня нараджэння беларускага пісьменніка Івана Мікалаевіча Пташнікава (1932–2016).

Пад знакам крылатага змея

30.09.2022

З 30 верасня па 7 лістапада ў зале дакументаў па мастацтве (пам. 306) праходзіць кніжна-ілюстрацыйная выстава “Пад знакам крылатага змея”, прысвечаная 550-годдзю з дня нараджэння Лукаса Кранаха Старэйшага (1472–1553).

Адваротны бок прыгажосці

05.09.2022

З 5 верасня па 24 кастрычніка ў зале перыядычных выданняў (пам. 106) праходзіць тэматычная выстава “Адваротны бок прыгажосці”.

Мастацтва думкі

22.09.2022

З 22 верасня па 21 лістапада ў зале нотных і аўдыявізуальных дакументаў (пам. 305) праходзіць юбілейная выстава “Мастацтва думкі”, прысвечаная 75-годдзю беларускага балетмайстра і харэографа Валянціна Мікалаевіча Елізар’ева.

Чалавек – аркестр

22.09.2022

З 22 верасня па 21 лістапада ў зале нотных і аўдыявізуальных дакументаў (пам. 305) праходзіць выстаўка “Чалавек – аркестр”, прысвечаная 75-годдзю народнага артыста Беларусі, дырыжора Аляксандра Міхайлавіча Анісімава.

Турызм у XXI стагоддзі

21.09.2022

З 21 верасня па 19 кастрычніка ў аддзеле абслугоўвання афіцыйнымі дакументамі (пам. 207) адкрыта кніжная выстава “Турызм у XXI стагоддзі”, прысвечаная Сусветнаму дню турызму.



Бібліятэкарам