“Цікава пачытаць” па кнізе “Сказки про зверей”

13 жніўня дзіцячы пакой запрашае дзяцей 6–10 гадоў на заняткі “Цікава пачытаць” па кнізе М. Пляцкоўскага “Сказки про зверей”.

З добрых і павучальных казак дзеці даведаюцца пра тое, як пчолка Жужуля знайшла свайго першага сябра, і што прыдумаў зрабіць калючы Вожык, каб яго пагладзілі. Маляўнічыя ілюстрацыі Уладзіміра Суцеева падкрэсляць характары тыграняці Паласаціка, качаняці Крачыка і іншых персанажаў, такіх добрых і смешных.

Дзеці пагуляюць у гульню “Адгадай па адным слове”, паслухаюць песні на вершы Міхаіла Пляцкоўскага і зробяць фігурку вожыка з каляровай паперы.

Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.

Матэрыял пададзены аддзелам запісу і інфармавання карыстальнікаў.