ГалоўнаяМерапрыемствыСучаснае мастацтва Пакістана ў Нацыянальнай бібліятэцы Беларусі
Музычны свет Генрыха Вагнера
Дыяменты стагоддзя: з бібліятэчнай калекцыі

Сучаснае мастацтва Пакістана ў Нацыянальнай бібліятэцы Беларусі

Сучаснае мастацтва Пакістана ў Нацыянальнай бібліятэцы Беларусі
Іншыя Мерапрыемствы
15 чэрвеня – 6 ліпеня
Дата правядзення
10.00–20.00
Час правядзення
галерэя "Атрыум" (3-ці паверх)
Месца правядзення

15 чэрвеня ў галерэі “Атрыум” (3-ці паверх) у межах святкавання 75-й гадавіны Дня Незалежнасці Ісламскай Рэспублікі Пакістан пачынае работу экспазіцыя “Сучаснае мастацтва Пакістана”.

Выстаўка знаёміць з адметнай культурай, унікальнай спадчынай, старажытнымі традыцыямі ўсходняй краіны. Пакістан – мультыэтнічная, мультыкультурная і мультымоўная краіна. Мастацтва Пакістана – складанае перапляценне самабытных культур, традыцый і звычаяў дзясяткаў народнасцей, якія насяляюць краіну, тысячагадовай гісторыі і смелых сучасных эксперыментаў.

У экспазіцыі прадстаўлены мастацкія работы выбітных пакістанскіх мастакоў Аішы Камаль, Нарын Саджыд, Сайеда Садэквайна, здымкі знакамітага фатографа Хаміда Хусэйна, прадметы ўжытку: драўляныя скрыначкі, сталовыя прыборы, сурвэткі, дэкаратыўныя ўпрыгожанні з оніксу, традыцыйнае адзенне, скульптуры і г.д.

Багацце фарбаў, яркая вышыўка, каларытныя дываны і іншыя экспанаты дазваляюць акунуцца ў глыбіню стагоддзяў, пазнаёміцца з разнастайнымі культурнымі плынямі, заўважыць характэрныя асаблівасці і выразныя рысы, зразумець значэнне сімвалаў, розныя сістэмы светапогляду, адлюстраваныя ў традыцыйных і аўтарскіх творах.

“Сучаснае мастацтва Пакістана” яднае сённяшні дзень краіны і яе багатае мінулае, спрыяе развіццю і распаўсюджванню лепшых традыцый і дасягненняў сучаснага выяўленчага мастацтва Пакістана.


Выстаўка будзе працаваць да 6 ліпеня 2022 года.
Дата заканчэння працы экспазіцыі можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 368 37 37.

Матэрыял пададзены аддзелам сувязей з грамадскасцю.

Мерапрыемствы

Беларусь. 1941–1945: Подзвіг. Трагедыя. Памяць

02.07.2022

З 2 ліпеня па 4 верасня ў зале беларускай літаратуры (пам. 205) праходзіць кніжная выстаўка “Беларусь. 1941–1945: Подзвіг. Трагедыя. Памяць”, прымеркаваная да Дня Незалежнасці Рэспублікі Беларусь.

У гармоніі з сабой і светам

01.07.2022

З 1 ліпеня па 26 жніўня ў зале перыядычных выданняў (пам. 106) праходзіць тэматычная выстава “У гармоніі з сабой і светам”.

Пачуццё заўсёднага святла

01.07.2022

Да 80-годдзя Сяргея Фёдаравіча Давідовіча ў зале беларускай літаратуры (пам. 205) з 1 ліпеня па 15 жніўня праходзіць выстаўка “Пачуццё заўсёднага святла”.

Насельніцтва Зямлі: сучаснае і будучае

01.07.2022

З 1 ліпеня па 9 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: сучаснае і будучае”, прысвечаная Сусветнаму дню народанасельніцтва.

У бібліятэцы адкрылася выстава да Дня Незалежнасці Рэспублікі Беларусь

30.06.2022

30 чэрвеня ў кальцавым калідоры 2-га паверха Нацыянальнай бібліятэкі Беларусі адкрылася архіўная фотавыстава “2022 Год гістарычнай памяці”, прымеркаваная да святкавання Дня Незалежнасці Рэспублікі Беларусь.

Патаемнае святло

30.06.2022

30 чэрвеня ў галерэі “Ракурс” (2-гі паверх) пачала працу фотавыстава Васіля Белякова “Патаемнае святло”.



Бібліятэкарам