ГалоўнаяМерапрыемствы“Арт-Мінск 2022” у Нацыянальнай бібліятэцы Беларусі
Курс "Камп'ютар з нуля"
Вольны птах беларускіх нябёсаў

“Арт-Мінск 2022” у Нацыянальнай бібліятэцы Беларусі

“Арт-Мінск 2022” у Нацыянальнай бібліятэцы Беларусі
Іншыя мерапрыемствы
19 мая – 31 жніўня
Дата правядзення
10.00–21.00
Час правядзення
галерэя "Ракурс" (2-гі паверх)
Месца правядзення

19 мая ў галерэі “Ракурс” (2-гі паверх) адкрылася выстаўка “Арт-Мінск 2022”.

Нацыянальная бібліятэка Беларусі ў пяты раз прымае штогадовы фестываль мастацтва “Арт-Мінск” і зноў станновіцца часткай мінскай выставачнай прасторы – вялікай і яскравай галерэі памерам з горад. Фестываль з’яўляецца адным з самых значных мастацкіх мерапрыемстваў Беларусі, маштабным святам, падпарадкаваным адзінай мэце – падарыць жыхарам і гасцям горада асалоду ад мастацтва.

“Арт-Мінск 2022” прысвечаны 955-годдзю горада. У экспазіцыі –работы, якія адлюстроўваюць яго стылёвую, культурную і гістарычную разнастайнасць. Мінск эклектычны, шматгранны. Бясконцасць пластоў яго разумення і пазнання ўразяць жыхароў і турыстаў. Творчая энергія, выканальніцкі талент і шчырая прыхільнасць да роднага горада аб’яднала аўтараў розных пакаленняў і светапоглядаў, вядомых майстроў і маладых мастакоў. У выстаўцы сугучныя як класічныя жанры і стылі, так і сучаснае мастацтва. Пейзажы, партрэты, нацюрморты, абстракцыя і выяўленчыя эксперыменты прадставяць яскравую панараму сучаснага беларускага выяўленчага мастацтва.

Арганізатарамі і партнёрамі выстаўкі выступілі Нацыянальная бібліятэка Беларусі і Рэспубліканская мастацкая галерэя ГА “Беларускі саюз мастакоў”.

Выстаўка будзе працаваць да 31 жніўня 2022 года.
Дата заканчэння працы экспазіцыі можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 368 37 37.

Матэрыял падрыхтаваны аддзелам сувязей з грамадскасцю.

Мерапрыемствы

Вольны птах беларускіх нябёсаў

19.05.2022

З 19 мая па 29 чэрвеня ў зале беларускай літаратуры (пам. 205) праходзіць выстаўка “Вольны птах беларускіх нябёсаў”, прысвечаная 120-годдзю з дня нараджэння беларускага паэта, крытыка і перакладчыка Язэпа Пушчы (1902–1964).

Майстру кніжнай графікі прысвячаецца

16.05.2022

З 16 мая ў бібліятэцы працуе выстава, прысвечаная 125-годдзю з дня нараджэння беларускага мастака, патрыярха беларускай каляровай лінагравюры, аднаго з заснавальнікаў нацыянальнай кніжнай графікі, вядомага майстра экслібрыса Анатоля Мікалаевіча Тычыны (1897–1986).

Дыялог культур у шматпалярным свеце

18.05.2022

З 18 мая па 29 чэрвеня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Дыялог культур у шматпалярным свеце”, прысвечаная Сусветнаму дню культурнай разнастайнасці ў імя дыялогу і развіцця.

Запрашаем на заняткі “Цікава пачытаць” па кнізе “Эвристические сказки”

18.05.2022

21 мая дзіцячы пакой запрашае дзяцей 6–10 гадоў на заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Хатні абярэг сваімі рукамі

18.05.2022

Нацыянальная бібліятэка Беларусі працягвае цыкл майстар-класаў з вядомымі майстрамі Беларусі ў межах выставачнага праекта “Жывыя крыніцы”, прымеркаванага да Года гістарычнай памяці.

Лорд англійскага мастацтва

14.05.2022

З 14 мая па 12 чэрвеня ў зале дакументаў па мастацтве (пам. 306) праходзіць кніжна-ілюстрацыйная выстава “Лорд англійскага мастацтва”, прысвечаная 295-годдзю з дня нараджэння Томаса Гейнсбара (1727–1788).



Бібліятэкарам