Дата правядзення
Час правядзення
Месца правядзення
З 28 красавіка па 14 чэрвеня ў зале нотных і аўдыявізуальных дакументаў (пам. 305) праходзіць выстава “Вучымся іграць. Самавучыцелі ігры на музычных інструментах”.
Што такое самавучыцель? Падручнік, які змяшчае сістэматызаваныя веды для самастойнага навучання без дапамогі педагога і які выкарыстоўваецца як у сістэме адукацыі, так і для самастойнага навучання. У самавучыцель уключаны самыя элементарныя звесткі па музычнай грамаце. Увесь матэрыял размешчаны ў метадычнай паслядоўнасці – ад больш простага да больш складанага. Адметнай рысай з’яўляецца прастата выкладу.
Асноўная задача самавучыцеля – практычнае асваенне ігры на музычным інструменце. Па даных сучаснай музычнай педагогікі, не існуе людзей, не здольных да музыкі. Але музычныя здольнасці, закладзеныя ў кожным чалавеку, неабходна развіваць шляхам сістэматычных заняткаў. Займацца па самавучыцелі можа чалавек любой прафесіі і ўзросту. У лёгкай, даступнай форме ў выглядзе азначэнняў, нескладаных прыкладаў і практыкаванняў выкладзены асновы музычнай граматы і элементарныя звесткі аб прыёмах гульні. Максімум жадання плюс намаганні і цярпенне – і інструмент меладычна загучыць, а гадзіны музіцыравання стануць лепшым адпачынкам.
На выставе прадстаўлена звыш 120 дапаможнікаў для навучання ігры на розных музычных інструментах, у тым ліку акардэоне, балалайцы, баяне, блокфлейце, губным гармоніку, гітары (шасці- і сяміструннай, электрагітары, бас-гітары), гуслях, домры, кантрабасе, мандаліне, саксафоне, скрыпцы, ударных інструментах, фартэпіяна і інш.
Папулярны самавучыцель Нормана Маната “Научитесь играть на фортепиано (гитаре) за 10 уроков” і арыгінальная бязнотная методыка П.У. Пятрова зробяць працэс навучання лёгкім і прыемным. Многія дапаможнікі дапоўнены аўдыя- і відэадыскамі.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 52.
Матэрыял пададзены аддзелам абслугоўвання спецыялізаванымі фондамі.