Дата правядзення
Час правядзення
Месца правядзення
Нацыянальная бібліятэка Беларусі працягвае цыкл майстар-класаў з вядомымі майстрамі Беларусі ў межах выставачнага праекта “Жывыя крыніцы”, прымеркаванага да Года гістарычнай памяці.
18 мая а 15-й гадзіне ў выставачным комплексе бібліятэкі (пам. 104) адбудзецца сустрэча па вырабе глінянай цацкі-свістулькі з сябрам Беларускага саюза майстроў народнай творчасці Іванам Дашковым.
З глыбінь вякоў даносіцца да нас гук глінянай цацкі-свістулькі. Маленькі хлопчык, які бярэ ў рукі кавалачак гліны – падарунак маці-зямлі, хоча зрабіць тую ж цацку, з якой гуляў яго аднагодак тысячы гадоў таму. Так дзіця спасцігае вялікую таямніцу няспыннага жыцця.
Bытокі глінянай цацкі – у неаліце, які доўжыўся на тэрыторыі Беларусі з IV па II тысячагоддзе да нашай эры. Byчоныя знаходзяць цацкі падчас раскопак курганоў, паселішчаў старажытнага чалавека. Першымі былі бразготкі i свістулькі: іх нашы продкі выкарыстоўвалі не толькі як дзіцячыя забаўкі, але і як абярэгі ад “нячыстай сілы”. У народзе верылі, што свіст цацкі і гук бразготкі аберагалі дзяцей ад злых духаў.
Сёння цацкі, вылепленыя сучаснымі майстрамі, маюць шмат падабенства з цацкамі, створанымі старажытным чалавекам. Яны невялікага памеру, простыя па форме, увасабляюць тыя ж сюжэтныя вобразы.
На майстар-класе наведвальнікі змогуць стварыць такую ж цацку, якую стваралі людзі тысячы гадоў назад. Гэты гліняны цуд – сапраўдная скарбніца генетычнай памяці і ўвасабленне эстэтычнай дасканаласці.
Наведванне майстар-класа ўваходзіць у кошт наведвання выставы “Жывыя крыніцы”:
- для дарослых – 6 рублёў;
- для навучэнцаў сярэдніх, сярэднеспецыяльных і вышэйшых устаноў – 3 рублі;
- сямейны квіток (2 дарослых з дзіцём да 16 гадоў) – 11 рублёў;
- сямейны квіток (2 дарослых з 2 дзецьмі да 16 гадоў) – 13 рублёў;
- шматдзетныя сем’і (пры прад'яўленні дакумента) – 13 рублёў.
- дзеці да 7 гадоў і выхаванцы дзіцячых дамоў, людзі з абмежаванымі магчымасцямі (пры прад’яўленні дакумента);
- суправаджаючыя груп школьнікаў, выхаванцаў устаноў адукацыі (1 чалавек на 10 дзяцей).
Час работы выстаўкі адпавядае рэжыму работы бібліятэкі.