Дата правядзення
Час правядзення
Месца правядзення
Нацыянальная бібліятэка Беларусі працягвае цыкл майстар-класаў з вядомымі майстрамі Беларусі ў межах выставачнага праекта “Жывыя крыніцы”, прымеркаванага да Года гістарычнай памяці.
5 мая а 16-й гадзіне ў выставачным комплексе бібліятэкі (пам. 104) адбудзецца сустрэча з майстрам саломапляцення, сябрам Беларускага саюза майстроў народнай творчасці Аленай Таляронак, па вырабе аб’ёмнай кветкі ў тэхніцы саломапляцення.
Бліскучая, сонечная, залацістая саломка заўсёды зачароўвала майстроў! Продкі здаўна адзначалі ўнікальнасць гэтага матэрыялу, яго прыгажосць і практычную каштоўнасць, бо наша “беларускае золата” ўвабрала цеплыню сонца і моц зямлі. Тысячагоддзі саломка выкарыстоўвалася для вырабу посуду, лялек, скарбонак, галаўных убораў, пано, упрыгожвання інтэр’еру.
На майстар-класе будзе зроблена аб’ёмная кампазіцыя “Кветачка”, састаўленая з нескладаных плеценых дэталяў у чароўнай тэхніцы саломапляцення. Сапраўдны цуд можна стварыць сваімі рукамі, уклаўшы ў рукадзелле крышачку ўвагі, цярпення і душэўнага цяпла.
Наведванне майстар-класа ўваходзіць у кошт наведвання выставы “Жывыя крыніцы”:
- для дарослых – 6 рублёў;
- для навучэнцаў сярэдніх, сярэднеспецыяльных і вышэйшых устаноў – 3 рублі;
- сямейны квіток (2 дарослых з дзіцём да 16 гадоў) – 11 рублёў;
- сямейны квіток (2 дарослых з 2 дзецьмі да 16 гадоў) – 13 рублёў;
- шматдзетныя сем’і (пры прад'яўленні дакумента) – 13 рублёў.
- дзеці да 7 гадоў і выхаванцы дзіцячых дамоў, людзі з абмежаванымі магчымасцямі (пры прад’яўленні дакумента);
- суправаджаючыя груп школьнікаў, выхаванцаў устаноў адукацыі (1 чалавек на 10 дзяцей).
Час работы выстаўкі адпавядае рэжыму работы бібліятэкі.
Тэлефоны для даведак: (8 017) 293 28 81 (для СМІ), 293 27 50 (для даведак).