Дата правядзення
Час правядзення
Месца правядзення
13 красавіка ў бібліятэцы пачала працу фотавыстава “Белфармацыя скрозь 100-годдзе”.
РУП “Белфармацыя” – самая буйная фармацэўтычная арганізацыя Мінска, якая з’яўляецца неад’емнай часткай сістэмы аховы здароўя Беларусі.
100-гадовы юбілей – гэта выдатная нагода паглядзець скрозь прызму часу, як мянялася за гэтыя гады прадпрыемства і з чаго ўсё пачыналася. На стэндах выставы прадстаўлены фатаграфіі і архіўныя дакументы, якія адлюстроўваюць яго шматгадовую гісторыю.
2022 год аб’ядноўвае Нацыянальную бібліятэку Беларусі і РУП “Белфармацыя” сваімі векавымі юбілеямі і сумеснымі культурна-асветніцкімі праектамі.
У музеі кнігі працуе выстава “Шэсць стагоддзяў гісторыі медыцыны і фармацыі ў рарытэтах Нацыянальнай бібліятэкі Беларусі”, дзе на старонках малавядомых кніг і выданняў можна ўбачыць гісторыю медыцыны і фармацыі на розных этапах іх развіцця.
Генеральны дырэктар РУП “Белфармацыя” Сяргей Літош выказаў падзяку калектыву Нацыянальнай бібліятэкі Беларусі за правядзенне мерапрыемстваў, прысвечаных 100-годдзю прадпрыемства, і пажадаў супрацоўнікам бібліятэкі натхнення і новых творчых праектаў.
Фотавыстава “Белфармацыя скрозь 100-годдзе” працуе ў мабільнай галерэі (кальцавой калідор 3-га паверха) да 27 красавіка 2022 г.
Дата яе заканчэння можа быць зменена.
Час работы фотавыставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Матэрыял пададзены аддзелам сувязей з грамадскасцю.