Дата правядзення
Час правядзення
10 чэрвеня адбудзецца прысвечаная 100-годдзю Нацыянальнай бібліятэкі Беларусі Х Міжнародная навукова-практычная канферэнцыя “Электронная культура” па тэме “Лічбавыя калекцыі ў прасторы культуры”.
Арганізатарамі мерапрыемства выступаюць Міністэрства культуры Рэспублікі Беларусь і Нацыянальная бібліятэка Беларусі.
Навукова-практычная канферэнцыя “Электронная культура” штогод становіцца найважнейшай пляцоўкай для абмену вопытам і пошуку перспектыўных напрамкаў развіцця інфармацыйных тэхналогій у сферы культуры.
Удзельнікі канферэнцыі – вучоныя, спецыялісты сферы культуры, навукі і адукацыі, распрацоўшчыкі праграмнага забеспячэння і ўсе, хто цікавіцца пытаннямі гуманітарнай сферы. Плануецца абмеркаванне пытанняў інфармацыйна-тэхналагічнага развіцця грамадства, інавацыйных праектаў і іх практычнай рэалізацыі ў электронным асяроддзі з мэтай папулярызацыі гісторыка-культурнай спадчыны і інтэграцыі інфармацыйнага патэнцыялу розных краін у сусветную інфармацыйна-культурную прастору. Асаблівую ўвагу сёлета плануецца надаць лічбавым калекцыям у прасторы культуры: іх стварэнню, папулярызацыі, пытанням аўтарскага права і адкрытага доступу.
Для абмеркавання прапануюцца наступныя тэмы:
- установы культуры, навукі і адукацыі ва ўмовах інфарматызацыі: змяненне статусу і функцый, супрацоўніцтва, пашырэнне і віртуалізацыя паслуг;
- захаванне і папулярызацыя гісторыка-культурнай спадчыны: праблемы і вынікі фарміравання электроннага кантэнту, выкарыстання / укаранення інфармацыйных тэхналогій, доступу, рэстаўрацыі і інш.;
- інавацыйныя тэхналогіі ў сферы культуры: “воблачныя”, мабільныя, 3D-тэхналогіі, інтэрнэт рэчаў, дапоўненая рэальнасць; эканоміка уражанняў / эмоцый і інш.;
- арганізацыя і правядзенне адукацыйных і сацыякультурных мерапрыемстваў, у тым ліку з выкарыстаннем рэсурсаў бібліятэк, музеяў і архіваў;
- varia.
Запрашаюцца прадстаўнікі дзяржаўных органаў кіравання, кіраўнікі і спецыялісты бібліятэк, музеяў, архіваў, навукова-даследчых арганізацый, устаноў адукацыі, распрацоўшчыкі і пастаўшчыкі праграмнага забеспячэння і электронных рэсурсаў.
Пляцоўкі правядзення канферэнцыі:
- XXVIII Міжнародная спецыялізаваная выстава “ТІБО” (пр. Победителей, 111а)
- Нацыянальная бібліятэка Беларусі (пр. Незалежнасці, 116, пам. 307).
Азнаёміцца з інфармацыйным лістом канферэнцыі і зарэгістравацца ў якасці дакладчыка або госця можна да 20 мая 2022 г. тут.
У сувязі з эпідэміялагічнай сітуацыяй ўдзел у канферэнцыі магчымы ў вочным і дыстанцыйным фарматах.
Запрашаем да ўдзелу!
Матэрыял пададзены інфармацыйна-аналітычным аддзелам.
