Новы год – самае доўгачаканае свята года! Яно дорыць адчуванне чараўніцтва і казкі, усе мараць аб тым, як дасягнуць жаданых мэт, зрабіць крок насустрач шчасцю, падарыць радасць блізкім. Прыемная навагодняя мітусня ахоплівае ўсіх без выключэння. Людзі ходзяць па крамах у пошуках падарункаў для сваіх сяброў і родных, выбіраюць самыя прыгожыя ўборы і прадумваюць меню святочнага стала.

Кніжная выстаўка “Навагоднія цуды” дапаможа кожнаму акунуцца ў святочную атмасферу! На экспазіцыі прадстаўлена літаратура з цікавымі ідэямі па афармленні святочнага стала, складанні навагодняга меню, рэкамендацыямі па выбары святочных убораў, стварэнні сувеніраў і ёлачных упрыгажэнняў сваімі рукамі. Таксама на выставе прадстаўлена мастацкая літаратура навагодняй тэматыкі для дзяцей і дарослых.

Час работы выстаўкі:
пн. – чц.: 10.00–19.00,
пт.: 10.00–18.00,
сб., ндз. – выхадны.

Уваход – па чытацкім білеце або білеце сацыякультурнага цэнтра бібліятэкі.

Спіс літаратуры

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 27 10.